Նախօրեին Պետական գույքի կառավարման վարչությունը հաղորդեց, որ «Ռիփաբլիք Պլազա» բաց բաժնետիրական ընկերությունն այսուհետ կառավարելու է Հանրապետության հրապարակում գտնվող փոստի շենքը (Նալբանդյան 28): Այն կառուցվել է անցյալ դարի 50-ականներին, հանդիսանում է պատմամշակութային հուշարձան: Խորհրդային շրջանում այստեղ էր տեղակայված կենտրոնական փոստատունը, իսկ ոչ հեռու անցյալում՝ կապի եւ տրանսպորտի նախարարությունը: Մի քանի անգամ այս շենքը դրվել է աճուրդի: