Bandaríski leikstjórinn og leikarinn Rob Reiner og Michele Singer eiginkona hans fundust stungin til bana á heimili sínu í Brentwood í Los Angeles. New York Post og fleiri miðlar greina frá þessu meðan aðrir láta duga að segja að tvær manneskjur á sama aldri og hjónin hafi fundist örend á heimilinu. Lögregla og slökkvilið voru kölluð til síðdegis í gær að staðartíma og upplýstu fljótlega um líkfundinn. Reiner var 78 ára, á meira en hálfrar aldar feril að baki og leikstýrði fjölda þekktra mynda á borð við When Harry Met Sally , The Princess Bride og A Few Good Men . Þau Michele gengu í hjónaband árið 1989. Fréttin verður uppfærð þegar frekari tíðindi berast af málinu.