Factor. Ադրբեջանի ընդդիմադիր «Ժողովրդական ճակատ» կուսակցության անդամ Էլբեյի Քերիմլին, որը գտնվում էր բանտում, դեկտեմբերի 12-ին ինքնասպան է եղել: Կուսակցությունից Meydan TV-ին հայտնել են, որ Քերիմլին կախվել է բանտի բուժբաժանմունքում։ Ինքնասպանության պատճառը հայտնի չէ։ Համացանցում ադրբեջանցի տարբեր ակտիվիստներ, գործիչներ կասկածներ են հայտնում ինքնասպանության վերաբերյալ։ Ադրբեջանի Արդարադատության նախարարությունը հայտարարել է, որ Խազարի շրջանի դատախազությունը հետաքննում է մահվան հանգամանքները։