Casemiro fagnar marki sínu í kvöld.AP / Jon Super Manchester United og Bournemouth gerðu 4-4 jafntefli í ensku úrvalsdeild karla í fótbolta. Amad Diallo kom United yfir á 13. mínútu en Antoine Semenyo jafnaði metin á 40. mínútu. Casemiro kom svo heimamönnum aftur yfir í uppbótartíma fyrri hálfleiks. Mörkunum rigndi svo í seinni hálfleik. Evanilson jafnaði metin fyrir Bournemouth á 46. mínútu og Marcus Tavernier kom þeim svo yfir á 52. mínútu. United menn lögðu ekki árar í bát og Bruno Fernandes jafnaði á 77. mínútú. Matheus Cunha kom liðinu yfir skömmu síðar. Eli Junior Kroupi átti svo síðasta orðið er hann jafnaði metin á 86. mínútu. United er í 6. sæti og Bournemouth í 13. sæti eftir leikinn.