ဝၼ်းတီႈ 14/12/2025 (မိူဝ်ႈသိုၼ်း) ဝၢႆးဝၼ်းၼႆႉ မီးၵူၼ်းယိပ်းၵွင်ႈ 2 ၵေႃႉ ၶဝ်ႈယိုဝ်း ၵူၼ်းမႃးၶဝ်ႈႁူမ်ႈပၢင်ပွႆး ႁႃႊၼုၵႃႊ တီႈၾင်ႇပၢင်ႇလၢႆႇ ပုၼ်ႊတီႊ (Bondi Beach) ဝဵင်းၸိတ်ႊၼီႊ (Sydney) မိူင်းဢေႃႊသတေႊလီႊယိူဝ်ႊ မီးၵူၼ်းလူႉတၢႆ 16 ၵေႃႉ၊ ၸိူဝ်းမၢတ်ႇၸဵပ်းသေ လႆႈၶိုၼ်ႈႁူင်းယႃဝႆႉသမ်ႉ မီး 40 ၵေႃႉ၊ ၼႂ်းၵူၼ်းမၢတ်ႇၸဵပ်းၼၼ်ႉ ပလိၵ်ႈၾၢႆႇႁူမ်ႇလူမ်ႈ ပႃးဝႆႉ 2ၵေႃႉ ဝႃႈၼႆ။ ၼႂ်းၵူၼ်း ဢၼ်ၺႃးယိုဝ်းသေလူႉတၢႆၼၼ်ႉ ပႃးဢွၼ်ႇယိင်းဢႃယု 10 ၶူပ်ႇၵေႃႉၼိုင်ႈ။ လိူဝ်ၼၼ်ႉ ပဵၼ်သႅၼ်းၵူၼ်းၼုမ်ႇၵူၼ်းထဝ်ႈ ဢႃယု 10 ၶူပ်ႇ ၼႂ်းၵႄႈ 87 ပီ ၸိူဝ်းၵႂႃႇဢႅဝ်ႇလႄႇတီႈၾင်ႇပၢင်ႇလၢႆႇ။ ၵူၼ်းၵေႃႉႁၼ်ၸွမ်းပိူင်ပဵၼ်ၼၼ်ႉ ၵေႃႉၼိုင်ႈ လၢတ်ႈဝႃႈ – ”မိူဝ်ႈတႄႇမၼ်း ထၢင်ႇဝႃႈ ပဵၼ်ပိူၼ်ႈၸုတ်ႇမူၵ်ႇၾႆးတႅၵ်ႇ၊ ဝၢႆးႁူႉဝႃႈပဵၼ်လွင်ႈပိုတ်းယိုဝ်းၼႆၵေႃႈ ၼႅတ်ႈဢွၼ်ၵၼ် လႅၼ်ႈပႅပ်ႉၵမ်းလဵဝ်” ဝႃႈၼႆ။ […] The post သွင်ပေႃႈလုၵ်ႈ လၢၵ်ႈၵွင်ႈယိုဝ်းတီႈၾင်ႇပၢင်ႇလၢႆႇ တၢႆ 16 မၢတ်ႇ 40 ၵေႃႉ appeared first on SHAN News .