RFI ខេមរភាសា អាមេរិកសុខចិត្តលើ “លក្ខខណ្ឌការពារសន្តិសុខរឹងមាំឲ្យអ៊ុយក្រែន” ដើម្បីចងជើងរុស្ស៊ី
ថ្ងៃអាទិត្យនិងថ្ងៃចន្ទកន្លងមកនេះ លោកប្រធានាធិបតីអ៊ុយក្រែន បានចរចានៅទីក្រុងប៊ែរឡាំង ជាមួយថ្នាក់ដឹកនាំប្រទេសអឺរ៉ុប និងតំណាងសហរដ្ឋអាមេរិក ដើម្បីនិយាយអំពីលក្ខខណ្ឌនៃកិច្ចព្រមព្រៀងសន្តិភាពជាមួយរុស្ស៊ី។ ឆ្លងកាត់ការពិភាក្សាគ្នា ភាគីសហរដ្ឋអាមេរិក បានសុខចិត្តទៅតាមការទាមទាររបស់អ៊ុយក្រែននិងអឺរ៉ុប ដោយបានសន្យាធានាចងលក្ខខណ្ឌការពារសន្តិសុខឲ្យអ៊ុយក្រែន ឲ្យបានរឹងមាំបំផុត ដើម្បីកុំឲ្យរុស្ស៊ីអាចត្រឡប់មកធ្វើសង្គ្រាមឈ្លានពានអ៊ុយក្រែនជាថ្មីទៀត។