अंबरनाथमध्ये भाजप उमेदवार पवन वाळेकर यांच्या कार्यालयावर मध्यरात्री दुचाकीवरून आलेल्या अज्ञातांनी गोळीबार केला. या घटनेत कार्यालयाची काच फुटली, सुदैवाने कोणतीही जीवितहानी झाली नाही. घटनेनंतर भाजप कार्यकर्त्यांनी पोलीस ठाण्याबाहेर निदर्शने केली. पोलीस सीसीटीव्हीच्या आधारे हल्लेखोरांचा शोध घेत आहेत. निवडणुकीच्या तोंडावर घडलेल्या या घटनेमुळे परिसरात खळबळ उडाली आहे.