Statsminister Jonas Gahr Støre (Ap) seier regjeringa vil finne ei løysing som gjer det mogleg å sjå Noreg sine VM-kampar om natta og få kjøpt øl heilt til kampen er ferdig. – Sit du på ein pub eller ser kampen med vener, skal du få sjå kampen ferdig, drikke opp ølen og gjerne kjøpe ein til, seier Støre i Politisk kvarter. Støre seier det er utfordringar knytte til at kampane går i ei anna tidssone, men at dette skal bli løyst. – Då får vi rette opp i det, seier han. Støre seier detaljane kjem seinare, men at ordninga skal gjelde dei norske kampane. – Heia Noreg, avsluttar han.