မိူဝ်ႈဝႃးဝၼ်းတီႈ 16/12/2025 ယၢမ်းၵၢင်ၶမ်ႈ 8 မူင်း ၾႆးမႆႈႁၢၼ်ႉၶၢႆသၢင်ႇၵၢၼ်း ၼႂ်းၵၢတ်ႇဝဵင်းသီႇသႅင်ႇၸိုင်ႈတႆးပွတ်းၸၢၼ်း ၵူၼ်းမိူင်းႁူမ်ႈၵၼ်ၶႄၾႆးၸင်ႇမွတ်ႇ။ ၶၢဝ်းပိူၼ်ႈပိၵ်ႉၵၢတ်ႇယဝ်ႉသေတႃႉ ၾႆးလုၵ်ႉမႆႈတီႈႁၢၼ်ႉၶၢႆ သၢင်ႇၵၢၼ်းၼၼ်ႉလႄႈ ႁဵတ်းႁႂ်ႈၵူၼ်းမိူင်း ၸဝ်ႈႁၢၼ်ႉၶၢႆၶူဝ်းၼႂ်းၵၢတ်ႇဢွၼ်ၵၼ်တူၵ်းၸႂ်း။ ၼၢင်းယိင်းၵူၼ်းပိုၼ်ႉတီႈဝဵင်းသီႇသႅင်ႇလၢတ်ႈၽူႈတွႆႇႁွၵ်ႈဝႃႈ -“ပဵၼ်ၵႂႃႇၶမ်ႈဝႃးဢေႃႈ။  ၶူဝ်းၶွင်ၼႂ်းႁၢၼ်ႉ ၸဵမ်ဢဝ် သၢင်ႇၵၢၼ်း ၊ ၶူဝ်ႉမွၵ်ႇ မေႃႈမွၵ်ႇ ၸိူဝ်းၼႆႉ ၾႆးမႆႈမူတ်း ၶဝ်ၶၢႆပႃးၶူဝ်းလႄႈ ၶူဝ်းၸိူဝ်းၼၼ်ႉၵေႃႈ ၾႆးမႆႈပႃး ၊ ၵၢတ်ႇၼႆႉမီးၵူၼ်းပႂ်ႉယူႇ ၵူၺ်းၵႃႈ  မၼ်းၵႆႉမဝ်းလဝ်ႈ။   ၵူၼ်းၼႂ်းပွၵ်ႉယွမ်ႇႁိမ်းႁွမ်းၼၼ်ႉဢွၼ်ၵၼ်ၶႄ ၸင်ႇလႆႈ”- ဝႃႈၼႆ ။ ၾႆးမႆႈႁၢၼ်ႉၶၢႆသၢင်ႇၵၢၼ်းၼႆႉ ၵူၼ်းၼႂ်းၵၢတ်ႇလၢတ်ႈဝႃႈ ပလိၵ်ႈမၢၼ်ႈလၢတ်ႈ – မီးၵူၼ်း 4 ၵေႃႉ ၶဝ်ႈမႃးၽဝ်ဝႃႈၼႆသေတႃႉ- ယူႇတီႈၵူၼ်းမိူင်းသေ ၽႂ်ၵေႃႈဢမ်ႇႁၼ်သိုဝ်ႈၼႃႈတၼ်းတႃ။  ၵွပ်ႈၼၼ်လႄႈ ပဵၼ်ၽႂ်ၵေႃႈသွတ်ႇ ပဵၼ်ယွၼ်ႉသင်တႄႉတႄႉ ၼႆယူႇတီႈၽူႈတွႆႇႁွၵ်ႈတႄႉ ပႆႇယိုၼ်ယၼ်လႆႈ။ ၵူၼ်းပိုၼ်ႉတီႈတႄႉလၢတ်ႈဝႃႈ တေႃႇထိုင်မိူဝ်ႈၼႆႉၵၢင်ဝၼ်း ပလိၵ်ႈမၢၼ်ႈ သိုၵ်းမၢၼ်ႈလၢတ်ႈဝႃႈတႃႇသွၵ်ႈႁႃၵူၼ်းဢၼ်လီထၢင်ႇထိူမ်ၼႆသေ တိုၵ်ႉႁွၼ်ႈထဝ်ႇသွၵ်ႈတဝ်ၼႂ်းၵၢတ်ႇၼႂ်းဝၢၼ်ႈ ၸွမ်းၵိဝ်ႇၸွမ်းငွၼ်ႈယူႇ […] The post ၾႆးမႆႈႁၢၼ်ႉၶၢႆသၢင်ႇၵၢၼ်း ၼႂ်းၵၢတ်ႇဝဵင်းသီႇသႅင်ႇ appeared first on SHAN News .