ၼႂ်းႁူဝ်လိူၼ်တီႊသႅမ်ႊပိူဝ်ႊၼႆႉ သိုၵ်းၵဝ်ႈၵၢင်ႉ (MNDAA) ၵဵပ်းသိုၵ်းမႂ်ႇထႅင်ႈ ၵူၺ်းဢမ်ႇၵႃး ႁွင်ႉဢဝ်ပႃး ၵူၼ်းသိုၵ်းသေ ႁႃၵူတ်ႇထတ်းၵူၼ်း ၵဵပ်းသဵၼ်ႈမၢႆၶႅၵ်ႇ/ ၵူၼ်းပႅၵ်ႇၼႃႈ ၶၢဝ်း ၵၢင်ၶမ်ႈ ၵၢင်ၶိုၼ်းလႄႈ ႁဵတ်းႁႂ်ႈၵူၼ်းမိူင်းၸိူဝ်းယူႇသဝ်းၼႂ်းပိုၼ်ႉတီႈ ဢမ်ႇမီးလွင်ႈႁူမ်ႇလူမ်ႈ ။ ၸူဝ်ႈသိုၵ်းၵဝ်ႈၵၢင်ႉ ၶဝ်ႈမႃးၵုမ်းၸႄႈဝဵင်းသႅၼ်ဝီ ဝၢႆးလင်ပၢင်တိုၵ်းၽႅၼ်ၵၢၼ်ယၼ်ႇသိုၵ်း 1027 ပွၵ်ႈၵမ်းၼိုင်ႈ ႁိုင်ၶၢဝ်းတၢင်း မွၵ်ႈ 2 ပီၼႆႉ ၵူၼ်းမိူင်းၸိူဝ်းယူႇၸွမ်းဝၢၼ်ႈလႆႈႁႃ ၵူၼ်းပၼ် တႃႇၵႂႃႇႁဵတ်းသိုၵ်းမႂ်ႇယူႇတိၵ်းတိၵ်း ထိုင်တီႈၼုမ်ႇယိင်းၼုမ်ႇၸၢႆး ၼႂ်းဝဵင်းသႅၼ်ဝီ ငိူင်ႉပၢႆႈဢွၵ်ႇဝဵင်းၵႂႃႇၼမ်တေႉတေႉ ။ ၼၢင်းၸၢမ်ႇ ၵေႃႉတူင်ႉၼိုင်ႁဵတ်းၵၢၼ်တူင်ႇဝူင်းၵူၼ်း ၼႂ်းၸႄႈဝဵင်းသႅၼ်ဝီ လၢတ်ႈၼႄတီႈ ၽူႈတွႆႇႁွၵ်ႈဝႃႈ “ၶဝ်မႃးဢုပ်ႉဝဵင်း မွၵ်ႈ 1 ပီပၢႆ ၸမ် 2 ပီၵူၺ်း ၵူၼ်းၼႆႉ ယွၼ်းဢဝ် ယွၼ်းဢဝ်။ ၼိုင်ႈပွၵ်ႈၼႆႉ ႁဝ်းလႆႈႁႃပၼ်ၶဝ် ၼိုင်ႈဝၢၼ်ႈၼႆႉဢေႇသုတ်း 2 ၵေႃႉ သၢမ်ၵေႃႉႁဵတ်းၼႆယူႇတိၵ်းတိၵ်း။ မိူဝ်ႈလဵဝ်ၵေႃႈ ယွၼ်းမႃးထႅင်ႈ […] The post သိုၵ်းၵဝ်ႈၵၢင်ႉ ၶၢၼ်းႁႂ်ႈၵူၼ်းမိူင်း ၼႂ်းၸႄႈဝဵင်းသႅၼ်ဝီ ၵႂႃႇႁဵတ်းသိုၵ်းမႂ်ႇထႅင်ႈ appeared first on SHAN News .