Ред Бул откри како го решиле проблемот со болидот: Макс е нашиот најскап сензор Филип Здравески 17.12.2025 / 14:10 Ф1 Лоран Мекис, по првите шест месеци во Ред Бул, истакнува дека Макс Верстапен е не само најскапиот, туку и најдобриот „сензор“ во тимот. Холанѓанецот е поимпресивен отколку што очекуваше Мекис пред да се приклучи на тимот. Верстапен и Мекис Откако Лоран Мекис ја презеде функцијата на средина од сезоната откако Кристиан Хорнер беше заменет, Ред Бул беа блиску до извонреден камбек. Голем дел од успехот може да се објасни со тоа што тимот конечно успеа да го извлече максимумот од RB21, продолжувајќи да го развива болидот. Друг клучен фактор е конзистентноста на возачот Макс Верстапен. Четирикратниот светски шампион верува дека ова е неговата најдобра сезона во Формула 1 досега, стоеше на подиумот на секој тркачки викенд од летната пауза. Мекис нагласи дека Верстапен го импресионира повеќе отколку што очекувал. „Го познаваме Макс, но тој сепак воодушевува. Техничкиот фидбек и чувствителноста што ги има во болидот се неверојатни. Се шегуваме во тимот дека тој е нашиот најдобар сензор во болидот. Веројатно најскапиот, но тоа е друга приказна!“, додаде Французинот, потврдувајќи дека Верстапен е сè уште најплатениот возач на Ф1 во 2025 година, според Forbes. Французинот нагласи дека Верстапен бил особено ангажиран во тешки периоди. „Тој се вклучува целосно, не гледа од страна, туку ги бара вистинските клучеви за сите да се движиме заедно во иста насока и за да разбереме што се обидува да ни пренесе преку комуникација“, рече Лоран Мекис. Max Verstappen en action au Portugal https://t.co/eBXd0r1NaS pic.twitter.com/DWuA8BCR0x — F1i.fr (@F1iFr) December 17, 2025 Ред Бул Макс Верстапен Автор/Извор Ф.З. Прикажи во метро On