Хакери упаднаа во системот на француското министерство, пристапија до тајни бази на податоци Филип Здравески 17.12.2025 / 15:56 Свет Француското Министерство за внатрешни работи беше цел на голем сајбер напад што траеше неколку дена, за време на кој беа компромитирани е-пошта сметките на вработените и беше пристапено до чувствителни полициски досиеја. Информацијата денес ја потврди министерот за внатрешни работи Лоран Нуњес, објави Euronews. Во интервју за Franceinfo, министерот Нуњес рече: „Пред неколку дена бевме цел на злонамерен упад“. Нагласи дека е во тек судска истрага „со цел многу брзо да се пронајде сторителот“. Според него, напаѓачите успеале да пристапат до „одредени професионални е-поштенски сандачиња“ и на тој начин да добијат пристапни кодови. Ова им овозможило да консултираат голем број важни полициски бази на податоци, вклучувајќи го Системот за обработка на кривични евиденции (TAJ) и Регистарот на барани лица (FPR). Обемот на штетата е сè уште непознат Иако нападот е потврден, точниот обем на штетата е сè уште нејасен. „Сè уште не го знаеме обемот на компромитирањето. До денес, можеби неколку десетици датотеки се отстранети од системот“, рече Нуњес. Додаде дека „апсолутно не може да каже дали тоа ќе ги компромитира истрагите или не“, но инсистираше дека инцидентот „не ги загрозува животите на нашите сограѓани“. Министерството, кое вработува речиси 300.000 луѓе, не добило никакви барања за откуп. Нуњес одоговорноста ја препиша на „небрежноста“ од страна на поединци во министерството, и покрај редовните предупредувања за безбедносните процедури. „Доволно е неколку поединци да не ги почитуваат овие правила“, рече тој. Франција хакерски напад Автор/Извор Макфакс Прикажи во метро Off