Рускиот голман Сафонов е херој на ПСЖ, одбрани 4 пенали во финалето ФИФА Интерконтинентален куп Катар 2025 Филип Здравески 18.12.2025 / 09:08 Фудбал Фудбалерите на Пари Сен-Жермен се победници на Интерконтиненталниот куп на ФИФА, односно поранешното Светско клупско првенство, со победата на пенали над Фламенгу, во кои голманот Матвеј Сафонов имаше историски настап. Матвеј Сафонов стана првиот голман во историјата на фудбалот кој одбрани четири последователни пенали во едно натпреварување на ФИФА. Тој го стори тоа за време на изведувањето на пенали со кое ПСЖ победи со 2:1 и ја освои престижната светска титула. Натпреварот заврши 1:1 по регуларното време и 120 минути, пред парижаните да победат со 2:1 на пенали, многу необичен резултат за серија од по пет пенали. Првиот пенал на Фламенгу беше и единствениот гол од пенал-рулетот. Потоа неуспешно шутираа Саул Нигес, Педро, Лео Перејра и Луис Араухо. Сите тие пенали ги одбрани рускиот голман Матвеј Сафонов, со што се постигна ова навистина уникатно и историско достигнување. Remote video URL Инаку, Интерконтиненталниот куп се играше со ланскиот формат. односно европскиот претставник доби место директно во финалето, а останатите разигруваа. Во првата рунда Пирамидс со 3:0 го совлада Окленд Сити, во четвртфиналето Пирамидс го совлада и Ал-Ахли со 3:1, додека Фламенгу беше подобар од Крус Асул со 2:1, а потоа во полуфиналето Фламенгу со 2:0 го победи африканскиот претставник Пирамидс. ПСЖ Интерконтинентален куп Фламенго Автор/Извор Ф.З. Прикажи во метро On