Паднаа првите црвени картони во ски-скоковите Филип Здравески 18.12.2025 / 14:15 Останати спортови Од сезонава во ски-скоковите воведени се црвени картони, а Турчин и Казахстанка се првите „среќни“ добитници. Турчинот Фатих Арда Ипџиолу е првиот натпреварувач во историјата на скијачките скокови кој е казнет со црвен картон и забране да се натпреварува во првите две наредни прилики. Сето тоа поради кршење на правилата за опрема, или поточно, повторување на таков прекршок. Оваа сезона беа воведени привремени суспензии од Светскиот куп и предупредувачки жолти картони, а тој двапати го прекрши новото правило, натпреварувајќи се на скии со недозволена должина во Клингентал во првата серија скокови. Не стигна ниту до втората серија, бидејќи веднаш беше дисквалификуван. Покрај горенаведените последици, тој ќе ги трпи и последиците од одземањето на бодовите од страна на Меѓународната скијачка и сноуборд федерација од горенаведениот настап во Германија. Своето прво кршење на правилата го направи во Лилехамер. Serce się kraje Fatih Arda Ipcioglu jako pierwszy męski przedstawiciel w historii tej dyscypliny otrzymuje czerwoną kartkę (dwie żółte) ? Efekt? Dyskwalifikacja na #Engelberg ⛔ #skijumpingfamily #Klingenthal pic.twitter.com/HaYae50tS1 — Eurosport Polska (@Eurosport_PL) December 14, 2025 Затоа, не беше можно да му се прогледа низ прсти, што беше случај и со Вероника Шишкина од Казахстан, која беше првата што влезе во историјата на толку негативен начин. Патем, суспензијата се применува автоматски, без оглед на тоа дали станува збор за индивидуално или тимско натпреварување. ски скокови Автор/Извор Ф.З. Прикажи во метро On