И фудбалерките ќе добијат Светско клупско првенство Филип Здравески 18.12.2025 / 15:47 Фудбал По Светското клупско првенство за мажи, Меѓународната фудбалска федерација започнува исто натпреварување за жени. Временскиот период на овој пилот-проект на ФИФА е веќе познат, бидејќи треба да започне на 5 јануари и да заврши на 30-ти истиот месец во 2028 година. Не е познато каде, освен дека последователниот избор ќе падне на земја со топла клима во тој момент, во однос на инфраструктурата и финансиите, подготвена да биде домаќин на 16 екипи, во текот на првата фаза поделени во 4 групи, со еднаков број учесници. Потоа следува нокаут рунда која започнува со четвртфинале. Системот на натпреварување вклучува и плеј-ин фаза со 6 екипи, од кои три екипи ќе се пласираат во главниот дел од натпреварувањето. Европа ќе има 5 загарантирани места, Азија, Африка, Северна Америка и Јужна Америка ќе имаат по 2 претставника, додека Океанија нема да има директно место. Останатите 3 места ќе се добијат со плеј-ин фазата, каде сите шест конфедерации ќе имаат по еден учесник. Проблемот би можел да биде што Светското клупско првенство за жени се совпаѓа со некои национални клупски натпреварувања, но не и со Лигата на шампионите, бидејќи прави пауза во текот на првиот месец од годината. The inaugural Women’s Club World Cup will take place in January 2028 in the middle of the European domestic football season, FIFA confirmed on Wednesday. The 16-team tournament was initially due to be introduced in 2026, but was later delayed to 2028, after stakeholders in the… — The Athletic | Football (@TheAthleticFC) December 17, 2025 Светско клупско првенство ФИФА Автор/Извор Ф.З. Прикажи во метро Off