RFI ខេមរភាសា អាមេរិកបន្តបាញ់ប្លោងសម្លាប់មនុស្សនៅសមុទ្រការ៉ាអ៊ីបនិងប៉ាស៊ីហ្វិក ហើយគំរាមបិទផ្លូវដឹកប្រេង
ក្នុងរយៈពេល ៣ខែ មនុស្សស្លាប់យ៉ាងហោច ៩៩នាក់ ក្នុងប្រតិបត្តិការវាយប្រហារបាញ់ប្លោងរបស់ទាហានអាមេរិកដើម្បីទប់ទល់លំហូរគ្រឿងញៀននៅដែនសមុទ្រការ៉ាអ៊ីបនិងប៉ាស៊ីហ្វិក។ រដ្ឋាភិបាលអាមេរិករបស់លោកប្រធានាធិបតី ដូណាល់ ត្រាំ ក៏ថែមទាំងបានគំរាមបិទផ្លូវដឹកប្រេងរបស់វ៉េណេស៊ុយអេឡា។ រុស្ស៊ី និង អង្គការសហប្រជាជាតិ បានសម្តែងក្តីបារម្ភចំពោះសភាពការណ៍ ដែលចេះតែតានតឹងខ្លាំងទៅៗ នៅតំបន់អាមេរិកឡាទីន។