The Cambodia Daily បណ្ឌិត គិន ភា ព្រមានថា ថៃនឹងប្រើលេសសង្គ្រាមបំផ្លាញឧក្រិដ្ឋកម្មដើម្បីឈ្លានពានឡាវ និងភូមា នៅសមរភូមិបន្ទាប់
មន្ត្រីរដ្ឋាភិបាលកម្ពុជា ព្រមានថា សមរភូមិដែលថៃ នឹងបន្តឈ្លានពានបន្ទាប់ពីកម្ពុជា គឺប្រទេសឡាវ និងប្រទេសភូមា ប៉ុន្តែថៃ នឹងប្រើលេសប្តូរឈ្មោះពីសង្គ្រាមឈ្លានពាន ទៅជាសង្គ្រាមបំផ្លាញឧក្រិដ្ឋកម្មបោកប្រាស់តាមអនឡាញវិញ។ ប្រធានវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជា បណ្ឌិត គិន ភា សរសេរលើគណនីហ្វេសប៊ុករបស់ខ្លួននៅថ្ងៃទី១៨ ធ្នូ នេះថា ថៃនឹងប្តូរឈ្មោះពីសង្គ្រាមឈ្លានពានទៅជាសង្គ្រាម Scam វិញ ដើម្បីឈ្លានពានប្រទេសឡាវ និងភូមា ប៉ុន្តែធាតុពិត គឺជាសង្គ្រាមឈ្លានពានដដែល គឺដូចដែលថៃ បានធ្វើមកលើកម្ពុជា ក្នុងពេលនេះ។ លោកអំពាវនាវឱ្យពលរដ្ឋខ្មែររក្សាសាមគ្គី និងឯកភាពជាតិឱ្យកាន់តែរឹងមាំ និងរួមចំណែកពង្រឹងសមត្ថភាពជាតិលើគ្រប់វិស័យក្នុងកាលៈទេសៈដ៏លំបាកនេះ នោះទើបកម្ពុជាអាចជៀសផុតពីការឈ្លានពាន ការប្រមាថ និងអំពើអយុត្តិធម៌ពីបរទេសដែលកំពុងឈ្លានពានមាតុភូមិរបស់ខ្លួនដ៏សាហាវឃោរឃៅក្នុងពេលនេះ។ ភាគីថៃ បានអះអាងថា សង្គ្រាមជាមួយកម្ពុជា អស់រយៈពេល ១២ថ្ងៃមកនេះ គឺជាការច្បាំងជាមួយទ័ពឆបោកប៉ុណ្ណោះ មិនមែនជាការច្បាំងជាមួយកងទ័ពខ្មែរឡើយ។ នៅថ្ងៃទី១៨ ខែធ្នូ នេះ កាសែតថៃ ខៅស៊ុត (Khaosod) បានរាយការណ៍សម្ដីកងទ័ពភូមិភាគទី២ ថៃ ថា យោធាថៃ មិនមែនច្បាំងជាមួយកងទ័ពកម្ពុជាទេ ប៉ុន្តែគឺច្បាំងជាមួយ «កងទ័ពឆបោក» (Scam Army) ប៉ុណ្ណោះ […] The post បណ្ឌិត គិន ភា ព្រមានថា ថៃនឹងប្រើលេសសង្គ្រាមបំផ្លាញឧក្រិដ្ឋកម្មដើម្បីឈ្លានពានឡាវ និងភូមា នៅសមរភូមិបន្ទាប់ appeared first on The Cambodia Daily Khmer .