The Cambodia Daily ប្រធានអាស៊ានថា កម្ពុជា និងថៃ យល់ព្រមចូលរួមកិច្ចប្រជុំពិសេសថ្នាក់រដ្ឋមន្ត្រីការបរទេសអាស៊ាននៅថ្ងៃទី២២ ធ្នូ
នាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម និយាយថា កម្ពុជានិងថៃ យល់ព្រមចូលរួមកិច្ចប្រជុំពិសេសថ្នាក់រដ្ឋមន្ត្រីការបរទេសអាស៊ាន ដែលនឹងប្រព្រឹត្តទៅនៅថ្ងៃទី២២ ខែធ្នូ ក្នុងទីក្រុងកូឡាឡាំពួរ ដើម្បីពិភាក្សាពីការទប់ស្កាត់កុំឱ្យជម្លោះនៅតាមព្រំដែនរវាងប្រទេសទាំងពីររាលដាលកាន់តែខ្លាំង។ លោក អាន់វ៉ា បញ្ជាក់ថា កម្ពុជានិងថៃ ក៏បានយល់ព្រមផងដែរឱ្យក្រុមអ្នកសង្កេតការណ៍អាស៊ានចុះត្រួតពិនិត្យតំបន់ព្រំដែន ហើយប្រមុខកងកម្លាំងប្រដាប់អាវុធម៉ាឡេស៊ី នឹងធ្វើដំណើរទៅកាន់តំបន់ព្រំដែននៃប្រទេសទាំងពីរនៅប៉ុន្មានថ្ងៃខាងមុខនេះ ដើម្បីបន្តការចូលរួមក្នុងកម្រិតយោធា។ លោកនាយករដ្ឋមន្ត្រីម៉ាឡេស៊ី បានបន្ថែមថា កិច្ចប្រជុំពិសេសថ្នាក់រដ្ឋមន្ត្រីការបរទេសអាស៊ានមានគោលដៅបញ្ចុះបញ្ចូលឱ្យថៃ និងកម្ពុជា ទប់ស្កាត់កុំឱ្យមានភាពតានតឹងកើនឡើងរឹតតែខ្លាំងនៅតាមបណ្ដោយព្រំដែនរវាងប្រទេសទាំងពីរ។ នាយករដ្ឋមន្ត្រីម៉ាឡេស៊ី ប្រកាសថា លោកបានទាក់ទងជាមួយមេដឹកនាំថៃ និងកម្ពុជា ហើយភាគីទាំងពីរបានបង្ហាញបំណងចង់ដោះស្រាយជម្លោះព្រំដែនរបស់ពួកគេឱ្យបានឆាប់បំផុតតាមដែលអាចធ្វើទៅបាន។ ជុំវិញស្ថានការណ៍សង្គ្រាមថៃ ឈ្លានពានកម្ពុជា ប្រទេសចិន បានចេញមុខមកនិយាយអំពីបញ្ហាសង្គ្រាមនៅតាមព្រំដែនខ្មែរ-ថៃ។ អ្នកនាំពាក្យក្រសួងការបរទេសចិន លោក Guo Jiakun បានដាក់ក្តីសង្ឃឹមថា កម្ពុជានិងថៃ នឹងអនុវត្តការអត់ធ្មត់ជាអតិបរមា បញ្ឈប់ការប្រយុទ្ធគ្នា និងកាត់បន្ថយភាពតានតឹងនៅបណ្តោយព្រំដែនតាមដែលអាចធ្វើទៅបាន។ ក្នុងន័យនេះ ទីក្រុងប៉េកាំង នៅតែរក្សាជំហរតួនាទីស្ថាបនារបស់ខ្លួនក្នុងការជំរុញកិច្ចចរចាសន្តិភាពរវាងភាគីជម្លោះទាំងពីរ គឺកម្ពុជា និងថៃ។ ចិន នៅតែមើលឃើញថា ភាគីកម្ពុជា-ថៃ នឹងនាំមកនូវបទឈប់បាញ់មួយដែលអាចស្ដារសន្តិភាពរវាងប្រទេសទាំងពីរ។ ជាមួយគ្នានេះ អ្នកស្រី Kaja Kallas […] The post ប្រធានអាស៊ានថា កម្ពុជា និងថៃ យល់ព្រមចូលរួមកិច្ចប្រជុំពិសេសថ្នាក់រដ្ឋមន្ត្រីការបរទេសអាស៊ាននៅថ្ងៃទី២២ ធ្នូ appeared first on The Cambodia Daily Khmer .