RFI ខេមរភាសា លោកពូទីនថា រុស្ស៊ីត្រៀមខ្លួនបញ្ចប់សង្គ្រាម តែបន្តទម្លាក់កំហុសលើអ៊ុយក្រែននិងអឺរ៉ុប
លោកពូទីន បានធ្វើសន្និសីទកាសែតប្រចាំឆ្នាំ នៅទីក្រុងម៉ូស្គូ កាលពីរសៀលថ្ងៃសុក្រ ទី១៩ធ្នូ។ បន្ទាប់ពីបាននិយាយទម្លាក់កំហុសទៅលើអ៊ុយក្រែន និងក្រុមប្រទេសលោកខាងលិច ថាជាអ្នកបង្កសង្គ្រាម លោកពូទីនបានអះអាងថា រុស្ស៊ីបានត្រៀមខ្លួនរួចហើយ ដើម្បីចរចា រកបទឈប់បាញ់និងកសាងសន្តិភាព។ លោកពូទីន អះអាងទៀតថា រុស្ស៊ីគ្មានចេតនាណាមួយទៅវាយប្រហារអឺរ៉ុបទេ ប្រសិនបើគេគោរពផលប្រយោជន៍របស់រុស្ស៊ី។