اسلام آباد کی عدالت نے ہفتے کو 2010 کے ایئربلو طیارہ حادثے کے آٹھ متاثرین کے اہل خانہ کو مجموعی طور پر تقریباً 5.4 ارب روپے ہرجانہ ادا کرنے کا حکم دیا۔ ایڈیشنل ڈسٹرکٹ کورٹ، جس کی سربراہی جسٹس ڈاکٹر رسول بخش مرجت کر رہے تھے، نے ایئربلو کی جانب سے دائر اپیل مسترد کرتے ہوئے ایئرلائن کی ذمہ داری برقرار رکھی اور مقدمے میں تاخیر پر ایئربلو پر 10 لاکھ روپے جرمانہ بھی عائد کیا۔ یہ حادثہ 28 جولائی 2010 کو پیش آیا جب کراچی سے اسلام آباد آنے والی ایئربلو کی پرواز 202 دارلحکومت کے قریب مارگلہ پہاڑ پر حادثے کا شکار ہوئی۔ یہ فیصلہ متاثرہ خاندانوں کی تقریباً ایک دہائی سے جاری قانونی جدوجہد میں ایک اہم پیش رفت تصور کیا جا رہا ہے۔ متاثرہ خاندانوں نے بارہا جوابدہی اور بروقت ریلیف کا مطالبہ کیا اور کہا کہ طویل عدالتی کارروائی نے ان کے دکھ میں مزید اضافہ کیا۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) ایئر بس A321-خراب موسمی حالات میں فائنل اپروچ کے دوران حادثے کا شکار بنی جس میں سوار عملے کے ارکان تمام 152 افراد مارے گئے تھے۔ اسے پاکستان کی تاریخ کا سب سے مہلک فضائی حادثہ قرار دیا جاتا ہے۔ پاکستان سول ایوی ایشن اتھارٹی (سی اے اے) کی سرکاری تحقیقات کے مطابق حادثہ کنٹرولڈ فلائٹ اِن ٹو ٹیرین (CFIT)  تھا۔ تحقیقاتی رپورٹ میں پائلٹ کی غلطی کو بنیادی سبب قرار دیا گیا جس میں مقررہ محفوظ بلندی سے نیچے اترنا اور خراب حد نگاہ میں سرکلنگ اپروچ کے دوران معیاری آپریٹنگ طریقہ کار سے انحراف شامل تھا۔ تفتیش کاروں نے کاک پٹ ریسورس مینجمنٹ کی کمزوری اور بارش و نچلے بادلوں جیسے مشکل موسمی حالات کی بھی نشاندہی کی۔ بعد ازاں عدالتی مشاہدات اور رپورٹس میں کہا گیا کہ ایئر ٹریفک کنٹرول کی کوتاہیوں نے بھی حادثے سے قبل غیر محفوظ حالات پیدا کرنے میں کردار ادا کیا۔ طیارہ حادثہ ایئر بلیو اسلام آباد عدالت ہرجانہ یہ حادثہ 28 جولائی 2010 کو پیش آیا جب کراچی سے اسلام آباد آنے والی ایئربلو کی پرواز 202 دارلحکومت کے قریب مارگلہ پہاڑ پر حادثے کا شکار ہوئی۔ انڈپینڈنٹ اردو ہفتہ, دسمبر 20, 2025 - 21:15 Main image:

یکم اگست 2010 کو ایئر بلو پرواز 202 میں مارے گئے افراد کے رشتہ دار اسلام آباد کے مارگلہ ہلز پوائنٹ پر حادثے کی جگہ کے قریب متاثرین کے لیے دعا کر رہے ہیں (اے ایف پی)

پاکستان type: news related nodes: ابتدائی تحقیقاتی رپورٹ میں پی آئی اے طیارہ حادثہ ’انسانی غلطی‘ قرار پی آئی اے کا طیارہ کراچی ایئرپورٹ کے قریب گر کر تباہ پی آئی اے طیارہ حادثہ: ماڈل زارا کی والدہ سے آخری گفتگو، ’آکر سرپرائز دوں گی‘ طیارے کو حادثہ، 49 مسافروں میں سے کوئی زندہ نہیں ملا: روسی میڈیا SEO Title: عدالت کا ایئربلیو حادثے کے متاثرین کو 5.4 ارب روپے ہرجانہ دینے کا حکم copyright: show related homepage: Hide from Homepage