Adobe ka një konkurrent të ri. Nano Banana është tani modeli më premtues i gjenerimit të imazheve me AI në botë. Në epokën e re të krijimit vizual me Al, një emër po tërheq gjithnjë e më shumë vëmendjen: Nano Banana. Ky mjet inovativ përdor fuqinë e modelit Google Gemini 3 Pro Image për të gjeneruar imazhe me cilësi ultra-HD, duke ofruar një eksperiencë të avancuar për përdoruesit e të gjitha niveleve. View this post on Instagram A post shared by Evolving AI (@evolving.ai) Nano Banana Pro mund të krijojë imazhe me rezolucion të lartë deri në 4K, duke ofruar detaje të jashtëzakonshme të ndriçimit, ngjyrave dhe përbërjes. Një tipar unik është aftësia për të integruar tekst në imazhe në mënyrë të qartë dhe profesionale – një problem i zakonshëm për shumë mjetet e tjera të AI. Për më tepër, platforma mbështet Multi-Image Fusion, që lejon përdoruesit të përziejnë deri në 8 imazhe referencë për të krijuar skena komplekse dhe të personalizuara. Një nga tiparet më të veçanta të Nano Banana Pro është AI Thinking Mode, që analizon kërkesat e përdoruesit para se të gjenerojë imazhin, duke siguruar një rezultat më të saktë dhe të detajuar. Nano Banana po i habit njerëzit përsëri pasi përdoruesit zbuluan se mund të gjenerojë skena realiste nga asgjë më shumë se koordinatat dhe datat. Ky mjet po përdoret nga një gamë e gjerë përdoruesish: nga artistët individualë dhe krijuesit e përmbajtjeve, deri te agjencitë e marketingut dhe profesionistët e dizajnit. Aftësitë e tij të avancuara e bëjnë atë të dobishëm si për projektet kreative personale, ashtu edhe për përdorim profesional në reklama, grafika për rrjete sociale, apo vizualizime konceptuale. Në një botë ku kërkesat për përmbajtje vizuale të shpejtë, të bukur dhe profesionale rriten çdo ditë, Nano Banana shfaqet si një nga mjetet më të fuqishme dhe inovative për të gjeneruar imazhe me AI. /Telegrafi/