Rogers fagnar öðru marki sínu.EPA / TIM KEETON Aston Villa vann Manchester United 2-1 í ensku úrvalsdeild karla í fótbolta. Morgan Rogers kom heimamönnum í Birmingham yfir á 45. mínútu með langskoti. Matheus Cunha jafnaði metin skömmu síðar eftir mistök Matty Cash í vörn Villa. Bruno Fernandes fyrirliði Manchester fór meiddur út af í hálfleik. Staðan var 1-1 í hálfleik en í seinni hálfleik skoraði Rogers sitt annað mark á 57. mínútu og það dugði til fyrir Villa. Villa er á miklu skriði og hefur unnið 10 af síðustu 11 leikjum. Liðið er í 3. sæti með 36 stig. United er í 7. sæti með 26 stig.