Baldvin Þorsteinsson forstjóri Samherja segir það hafa verið erfitt fyrir pabba hans, Þorstein Má, og alla fjölskylduna að hann hafi verið með stöðu grunaðs manns í um fimm ár. Hann sagði ásakanir gegn honum þungar. Málið væri í eðlilegum farvegi hjá héraðssaksóknara en hann óskaði þess að þessu myndi ljúka fljótlega. Hann segist stoltur taka við af föður sínum sem forstjóri og sjá mörg tækifæri í íslenskum sjávarútvegi.