ၼၢင်းယိင်းဢွၼ်ႇ ၵူၼ်းမိူင်းသူႈ ပိုၼ်ၽၢဝ်ႇႁႃၵၢၼ် ၼိူဝ်ဢွၼ်ႊလၢႆႊ ၺႃးၵူၼ်းႁဵတ်းၵၢၼ်ၵျႃႊၽျႅၼ်ႉလၢတ်ႈဝႃႈ မီးၵၢၼ်လီ တီႈဝဵင်းတၢင်ႉယၢၼ်းၼႆသေ လွၵ်ႇလႅၼ်တီႉၺွပ်းတၢင်ႇ ၵႃးၵႂႃႇ ယွၼ်းၵႃႈထုတ်ႇတူဝ်တီႈၵူၼ်းတၢင်းႁိူၼ်းမၼ်းၼၢင်းၶိုၼ်း ။ ၼၢင်းယိင်းဢွၼ်ႇၵေႃႉၼႆႉ ဢႃယုတိုၵ်ႉလႆႈ 18 ပီ ယူႇဝၢၼ်ႈမႁေႇ ဢိူင်ႇမိူင်းဢွတ်ႇ ၸႄႈဝဵင်းမိူင်း သူႈ ။ ဝၢႆးလင်မၼ်းၼၢင်းတၢင်ႇလူင်းတီႈ ထိၵ်ႊထွၵ်ႉ ဝႃႈ ၶႂ်ႈလႆႈၵၢၼ်ၼႆယဝ်ႉဢမ်ႇႁိုင် မိူဝ်ႈဝၼ်းတီႈ 15/12/2025 ၸုမ်းၵူၼ်းၸၢႆးၼုမ်ႇ 6 ၵေႃႉ ဢဝ်ၵႃးမႃးႁပ်ႉမၼ်းၼၢင်းၵႂႃႇ တၢင်းၸႄႈဝဵင်းတၢင်ႉယၢၼ်း။ ဝၢႆးၼၼ်ႉ သိုပ်ႇၾူၼ်းယွၼ်းငိုၼ်းၵႃႈထုတ်ႇတူဝ်မၼ်းၼၢင်းၸူးၵူၼ်းတၢင်းႁိူၼ်းၶိုၼ်း 500 သႅၼ်ပျႃး ဝႃႈၼႆ။ ၽူႈမီးပုၼ်ႈၽွၼ်း ၼႂ်းဢိူင်ႇမိူင်းဢွတ်ႇ ၵေႃႉတူင်ႉၼိုင်ၵၢၼ်ၸွႆႈဢဝ် ဢွၼ်ႇယိင်းၵေႃႉၼၼ်ႉဢွၵ်ႇမႃး လၢတ်ႈတီႈ ၽူႈတွႆႇ ႁွၵ်ႈဝႃႈ – “မိူဝ်ႈတႄႇမၼ်းၼႆႉ ၵျႃႊၽျႅၼ်ႉၶဝ် ဢၼ်ပဵၼ် ၶႄႇၼၼ်ႉ ၶဝ်ႈၵႂႃႇၼႂ်းၾဵတ်ႉ၊ ၼႂ်းလၢႆးၶဝ်ႁႄ..ဝႃႈ ႁၼ်ၶဝ်တၢင်ႇတိၵ်းတွၵ်ႇဝႆႉဝႃႈ တူၵ်းၵၢၼ်တူၵ်းငၢၼ်းဢမ်ႇမီးၵၢၼ်ႁဵတ်းၼႆၼၼ်ႉၼႃႇ။ ယဝ်ႉၵေႃႈ တူင်ႉတၵ်ႉၶဝ်ႈၵႂႃႇ မိူၼ်ပဵၼ် […] The post ယိင်းဢွၼ်ႇ ပိုၼ်ၽၢဝ်ႇႁႃၵၢၼ်ၼိူဝ်ဢွၼ်ႊလၢႆႊ ၺႃးလွၵ်ႇၺွပ်း ယွၼ်းၵႃႈထုတ်ႇတူဝ် appeared first on SHAN News .