Գրենլանդիան Միացյալ Նահանգներին անհրաժեշտ է՝ իր ազգային անվտանգությունն ապահովելու համար, վերստին հայտարարել է ԱՄՆ նախագահ Դոնալդ Թրամփը: Կիրակի օրը Թրամփը Լուիզիանայի նահանգապետ Ջեֆ Լենդրիին նշանակել է Գրենլանդիայում իր հատուկ բանագնաց, ինչը նոր քննադատության է արժանացել Դանիայի և Գրենլանդիայի կողմից՝ կապված օգտակար հանածոներով հարուստ արկտիկական կղզու նկատմամբ Վաշինգտոնի հետաքրքրության հետ: Թրամփը ամիսներ շարունակ առաջարկում է, որ Գրենլանդիան՝ դանիական ինքնակառավարվող տարածքը, դառնա Միացյալ Նահանգների մի մասը: «Գրենլանդիան մեզ պետք է ազգային անվտանգության, այլ ոչ թե օգտակար հանածոների արդյունահանման համար»,- ասել է Սպիտակ տան ղեկավարը: Դանիայի ու Գրենլանդիայի վարչապետերը համատեղ հայտարարության մեջ ընդգծել էին, որ Գրենլանդիան պատկանում է գրենլանդացիներին: