پاکستانی کرکٹر سمیر منہاس  کی حال ہی میں انڈیا کی انڈر 19 ٹیم کے خلاف جارحانہ بیٹنگ کے چرچے ہیں تاہم ان کے والد نے انڈپینڈنٹ اردو سے گفتگو میں کہا کہ سمیر ’ٹھنڈے اور خاموش‘ مزاج کے نوجوان ہیں۔ دبئی میں گذشتہ اتوار کو کھیلے گئے ایشین کرکٹ کونسل انڈر 19 ایشیا کپ کے فائنل میں پاکستان نے روایتی حریف انڈیا کو 191 رنز کے بڑے مارجن سے شکست دے کر ٹائٹل اپنے نام کر لیا۔ یہ فتح نہ صرف سکور لائن کے اعتبار سے تاریخی رہی بلکہ ایک نوجوان بیٹر کی شاندار کارکردگی نے بھی اسے یادگار بنا دیا۔ پاکستان کی جانب سے اوپنر سمیر منہاس نے فائنل میں شاندار بیٹنگ کا مظاہرہ کرتے ہوئے 113 گیندوں پر 172 رنز کی شاندار اننگز کھیلی۔ سمیر منہاس پورے ٹورنامنٹ میں پاکستان کے ٹاپ سکورر بھی رہے۔ سمیر کے والد کاشف منہاس کے مطابق ان بیٹے کا مزاج بچپن ہی خاموش اور دھیما رہا ہے۔ ’یہ اپنے بڑے بھائی عرفات کی طرح غصے کا تیز نہیں، بلکہ ٹھنڈے اور خاموش مزاج کا ہے۔ اسی خاموشی میں رہتے ہوئے اس نے اتنا بڑا کارنامہ کر دکھایا ہے۔‘ ’انڈیا کے خلاف میچ میں پاکستان کی جیت پر میری آنکھوں سے آنسو نہیں رک رہے تھے۔ میری خوشی اسی میں ہے کہ میرا ملک خوش ہے، میرے لوگ خوش ہیں۔ پچھلے دو دنوں سے سمیر کی وجہ سے اس ملک میں خوشیاں ہی خوشیاں آئی ہیں۔‘ 19 سالہ سمیر منہاس، پاکستان کے ٹی ٹوئنٹی انٹرنیشنل کرکٹر عرفات منہاس کے چھوٹے بھائی ہیں۔ عرفات منہاس 2023 اور 2024 میں ہانگ کانگ، افغانستان، بنگلہ دیش اور زمبابوے کے خلاف پاکستان کی نمائندگی کر چکے ہیں۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) انڈپینڈنٹ اردو سے گفتگو کرتے ہوئے سمیر منہاس کے والد کاشف منہاس نے بیٹے کی کامیابی پر خوشی کا اظہار کیا۔ سمیر کی شاندار کارکردگی پر ان کا کہنا تھا کہ اس لیول پر یہ سمیر کا پہلا تجربہ تھا جسے دیکھتے ہوئے اب انہیں اپنے تینوں بیٹوں کا مستقبل روشن نظر آ رہا ہے۔ انہوں نے بتایا کہ ان کا تیسرا بیٹا عبداللہ  بھی اس وقت ملتان ریجن انڈر 15 میں کھیل رہا ہے۔ ’منہاس برادران کا جو مستقبل میں دیکھ رہا ہوں، مجھے یقین ہے کہ وہ اس ملک کے لیے بہت کچھ کریں گے۔‘ کاشف منہاس نے اپنی زندگی کے ادھورے خوابوں کا ذکر کرتے ہوئے یہ بھی بتایا کہ کرکٹ کی دنیا میں قدم رکھنا ان کا خواب تھا۔ ’میرے والد کبھی اس بات پر راضی نہیں ہوئے کہ میں کرکٹر بنوں۔ مجھے مجبوراً کرکٹ چھوڑنی پڑی، لیکن جب میرے بچے 9، 10 سال کے تھے تو میں نے محسوس کیا کہ یہ عام بچے نہیں ہیں۔ ایسا لگتا تھا جیسے کرکٹ کے چھوٹے ایٹم بم گھر میں پھر رہے ہوں۔‘ انڈر 19 ٹیم پاکستان کرکٹ سمیر منہاس نے گذشتہ اتوار کو انڈیا کی انڈر 19 ٹیم کے خلاف ایشیا کپ میں 113 گیندوں پر 172 رنز بنائے تھے۔ مہ جبیں عابد منگل, دسمبر 23, 2025 - 15:15 Main image:

22 دسمبر 2025 کو سمیر منہاس کرکٹ کے میدان میں موجود ہیں (فیس بک، کاشف منہاس)

کرکٹ type: news related nodes: سمیر کے 172 رنز، پاکستان انڈیا کو ہرا کر انڈر 19 ایشیا چیمپیئن بن گیا انڈر 19 ایشیا کپ: انڈیا نے پاکستان کو 90 رنز سے ہرا دیا انڈر 19 ایشیا کپ: ’رائل منہاس‘ کے پہلے ہی میچ میں 177 رنز فرحان یوسف انڈر 19 ایشیا کپ میں پاکستان کی قیادت کریں گے SEO Title: جارحانہ بلے باز سمیر کا مزاج ’ٹھنڈا اور خاموش‘ ہے: والد copyright: show related homepage: Hide from Homepage