Credit to Popular Journal - မြန်မာနိုင်ငံ၌ကျင်းပမည့် ရွေးကောက်ပွဲအတွက် ပြင်ဆင်နေမှုများကို ထိုင်းနိုင်ငံဆိုင်ရာ မြန်မာသံအမတ်ကြီးဦးဇော်ဇော်စိုးနှင့် ထိုင်းဘုရင့်တပ်မတော်၊ အိမ်နီးချင်းနိုင်ငံများ ပူးပေါင်းညှိနှိုင်းရေး ဌာနအကြီးအကဲ General Direk Bongkarn တို့ဆွေးနွေးခဲ့ကြသည်။ ၎င်းတို့နှစ်ဦးသည် ယနေ့ ဒီဇင်ဘာ ၂၃ ရက်နံနက် ၁၀ နာရီခွဲက ထိုင်းနိုင်ငံဆိုင်ရာ မြန်မာသံရုံး၊ ဗန်ကောက်မြို့၌ တွေ့ဆုံခဲ့ကြခြင်းဖြစ်သည်။ တွေ့ဆုံစဥ် မြန်မာနိုင်ငံ၌ကျင်းပမည့် ရွေးကောက်ပွဲနှင့် ငြိမ်းချမ်းရေးလုပ်ငန်းစဉ်တို့၏ အရေးကြီးပုံနှင့် ပြင်ဆင်ဆောင်ရွက်နေမှုများကို ဆွေးနွေးခဲ့ကြသည်။ ထို့ပြင် မြန်မာ-ထိုင်းနှစ်နိုင်ငံကြား ကာလရှည်ကြာပြီဖြစ်သော ချစ်ကြည်ရင်းနှီးသည့်ဆက်ဆံရေးပိုမိုခိုင်မာအားကောင်းလာစေရေး၊ နယ်စပ်ကုန်သွယ်ရေးနှင့် အွန်လိုင်းလိမ်လည်မှုတိုက်ဖျက်နှိမ်နင်းရေးတို့၌ ပူးပေါင်းဆောင်ရွက်မှုမြှင့်ရေးတို့ကိုလည်း ဆွေးနွေးခဲ့ကြသည်။ The post မြန်မာနိုင်ငံ၌ကျင်းပမည့် ရွေးကောက်ပွဲအတွက် ပြင်ဆင်နေမှုများကို ထိုင်းနှင့် မြန်မာဆွေးနွေး appeared first on Popular .