රටේ පවතින ආපදා තත්ත්වය හමුවේ විපක්ෂය ක්‍රියා කරන ආකාරය දැඩි දෝෂදර්ශනයට ලක් කරමින් ‘දෙවැනි පරපුර’ පක්ෂයේ නායක උවිඳු විජේවීර මහතා විශේෂ ප්‍රකාශයක් සිදු කර තිබේ. රට වැටී ඇති දුෂ්කර අවස්ථාවක දේශපාලන වාසි තකා කටයුතු කිරීම නතර කරන ලෙස ඔහු එහිදී අවධාරණය කළේය. “ජනතාව බලාගෙන ඉන්නේ” මෙහිදී අදහස් දැක්වූ උවිඳු විජේවීර මහතා කියා සිටියේ, ජනතාව පීඩාවට පත්ව සිටින ආපදා තත්ත්වයන් පවා දේශපාලන අවස්ථාවක් කරගැනීමට උත්සාහ කිරීම පිළිකුල් සහගත බවයි. “ආපදාව ඇතුළෙත් කඩාකප්පල් වැඩ කරන්න එපා” යැයි පවසමින් ඔහු විපක්ෂයේ ක්‍රියාකලාපය විවේචනය කළේය. විපක්ෂයට එල්ල වූ අනතුරු ඇඟවීම විපක්ෂය වගකීම් සහගතව කටයුතු නොකළහොත් ජනතාව ඔවුන්ව දේශපාලන කරළියෙන් සහමුලින්ම ප්‍රතික්ෂේප කරනු ඇති බවට ඔහු අනාවැකි පළ කළේය.