RFI ខេមរភាសា គណៈកម្មាធិការសិទ្ធិមនុស្សកម្ពុជាគ្រោងដាក់ញត្តិប្តឹងថៃ ពីបទប្រើអាវុធទំនើបព្រៃផ្សៃវាយប្រហារកម្ពុជា
នៅថ្ងៃទី២៤ ខែធ្នូ ឆ្នាំ២០២៥ គណៈកម្មាធិការសិទ្ធិមនុស្សកម្ពុជាបានថ្កោលទោសជាថ្មីនូវសកម្មភាពវាយប្រហារមិនរើសមុខរបស់ថៃ តាមរយៈការប្រើប្រាស់សព្វាវុធធុនធ្ងន់ដូចជា យន្តហោះចម្បាំងប្រភេទ F-16 និង T-50 TH នាវាចម្បាំង ផ្សែងពុល ព្រមទាំងគ្រាប់បែកចង្កោម ទៅលើភូមិសាស្ត្ររបស់ជនស៊ីវិលកម្ពុជា។ គណៈកម្មាធិការសិទ្ធិមនុស្សកម្ពុជាបានបញ្ជាក់ពីគម្រោងដាក់ញត្តិបន្ទាន់ថ្មីមួយ ដើម្បីប្តឹងទៅឧត្តមស្នងការសហប្រជាជាតិទទួលបន្ទុកសិទ្ធិមនុស្ស នៅទីក្រុងហ្សឺណែវ ចំពោះការឈ្លានពានរបស់ថៃ។