Dagshitamet gæti fallið á Austurlandi í dag þar sem spár gera ráð fyrir allt að átján stigum. Þetta segir Þorsteinn V. Jónsson, veðurfræðingur hjá Veðurstofu Íslands. Hiti mældist 16,1 stig í sjálfvirkum hitamæli á Bakkagerði á Austurlandi en eftir á að staðfesta töluna. Hiti mældist 15,7 stig á Seyðisfirði og Þorsteinn segir líklegt að met verði slegið. Landsdægurhitametið fyrir aðfangadag er 15,9°C fyrir frá Skjaldþingsstöðum í Vopnafirði árið 2006. Gular og appelsínugular veðurviðvaranir eru í gildi á Vestfjörðum og á Norðurlandi og verða fram á jólanótt. Þorsteinn segir að draga muni úr vindi og úrkomu á morgun. Veðurstofan varar við auknum líkum á grjóthruni og skriðum á vegum sem liggja undir bröttum hlíðum.