ԱՄՆ պետքարտուղար Մարկո Ռուբիոն ամփոփել է տարվա արդյունքները՝ առանձնահատուկ անդրադարձ կատարելով Հայաստան-Ադրբեջան հարաբերություններին և Վաշինգտոնում ստորագրված խաղաղության հռչակագրին։ Պետքարտուղարը նշել է, որ ԱՄՆ-ն կարողացել է կանխել և կարգավորել մի շարք միջազգային հակամարտություններ՝ շեշտը դնելով դիվանագիտական միջամտության վրա։ «Ադրբեջան և Հայաստան։ Պատերազմը, որը կարող էր սկսվել և դառնալ սարսափելի աղետ, կանխվեց»,- հայտարարել է ԱՄՆ պետքարտուղարը՝ անդրադառնալով օգոստոսի 8-ին Վաշինգտոնում ԱՄՆ նախագահ Դոնալդ Թրամփի ներկայությամբ կնքված խաղաղության հռչակագրին։ Պետքարտուղարը նաև ընդգծել է, որ անվտանգության ոլորտում ԱՄՆ նախագահի տված առանցքային խոստումները կյանքի են կոչվում՝ հավելելով. «Լավագույնը դեռ առջևում է»։ The post Հնարավոր պատերազմը կանխվեց․ Ռուբիոն՝ Հայաստանի և Ադրբեջանի մասին appeared first on CIVILNET .