Guvernatori i burgut HMP Lindholme në Angli, Rob Kellett, është shkarkuar pas publikimit të një videoje ku ai shihet duke dalë nga një bordel në Sheffield. Kellett, veteran i Shërbimit të Burgjeve, kishte drejtuar Lindholme që nga viti 2011, duke mbikëqyrur mbi 900 të burgosur dhe stafin. Ministria e Drejtësisë konfirmoi se kishte nisur një hetim të brendshëm pas qarkullimit të videos, i cili ka përfunduar me shkarkimin e tij për shkelje të standardeve profesionale. Stafi i burgjeve nuk lejohen të përdorin shërbime seksuale ose të vizitojnë bordelet për arsye integriteti dhe sigurie. Shkeljet e tilla mund të shfrytëzohen nga të burgosurit për presion dhe shantazh, sipas ish-guvernatorit Ian Acheson. Lindholme ka pasur një varg skandalesh, përfshirë marrëdhënie të paligjshme mes oficerëve dhe të burgosurve. Kellett ka punuar më parë si guvernator i burgjeve të tjera dhe ka pasur eksperiencë në sektorin privat të shëndetësisë. Shërbimi i Burgjeve theksoi se nuk heziton të marrë masa të rrepta kur standardet e larta nuk respektohen. /Telegrafi/