ၼင်ႇႁိုဝ်ပေႃးတေဢွၵ်ႇၾၢင်ႁၢင်ႈ မီးၵူၼ်းမိူင်းၵႂႃႇပၼ်သဵင်ၵၢင်ၸႂ် (တွၼ်ႈၶႅပ်းမႄး) ၼမ် ၼႂ်းဝၼ်းပၢင်လိူၵ်ႈတင်ႈ ဝၼ်းတီႈ 28 လိူၼ်တီႊသႅမ်ႊပိူဝ်ႊၼၼ်ႉ သိုၵ်းမၢၼ်ႈယိုတ်းမိူင်း ငူပ်ႉငီႉၵၼ်တင်း သိုၵ်းၵဝ်ႈၵၢင်ႉသေ ႁႂ်ႈၽူႈမီးပုၼ်ႈၽွၼ်းၼႂ်းၸုမ်းသိုၵ်းၵဝ်ႈၵၢင်ႉ တီႈထုင်ႉၼမ်ႉပွင်ႈ ၸႄႈဝဵင်းလႃႈသဵဝ်ႈ ပၢဝ်ႇသေႃႇထိုင်ၵူၼ်းမိူင်း တႃႇၵႂႃႇပၼ်သဵင်ၵၢင်ၸႂ်လူင်ႈၼႃႈ ၼႆယဝ်ႉ။ မိူဝ်ႈၼႆႉ ဝၼ်းတီႈ 25 လိူၼ်တီႊသႅမ်ႊပိူဝ်ႊ ၽူႈမီးပုၼ်ႈၽွၼ်း ၾၢႆႇၽွင်းငမ်း ၼႂ်းထုင်ႉၼမ်ႉပွင်ႈ ပၢဝ်ႇသေႃႇ ႁႂ်ႈၵူၼ်းမိူင်း ၸိူဝ်းယူႇသဝ်းၼႂ်းထုင်ႉၼမ်ႉပွင်ႈ ႁၢင်ႈႁႅၼ်းတူဝ် တႃႇၵႂႃႇပၼ်သဵင် တီႈၼႂ်းဝဵင်းလႃႈသဵဝ်ႈ ၼႆယဝ်ႉ။ ၸၢႆးလႅင်း ၵူၼ်းမိူင်းပိုၼ်ႉတီႈ ၵေႃႉယူႇဝႆႉၼႂ်းဝဵင်းၼမ်ႉပွင်ႈလၢတ်ႈၼႄတီႈ ၽူႈတွႆႇႁွၵ်ႈဝႃႈ “မိူဝ်ႈၼႆႉ (25/12/2025) ၵၢင်ၼႂ် ၵူၼ်းလူင်ၵဝ်ႈၵၢင်ႉၶဝ် ပၢဝ်ႇႁႂ်ႈၵူၼ်းဝၢၼ်ႈ ၵႂႃႇၸူႉတုမ် ၵၼ် တီႈႁိမ်းၶူဝ်ၼၼ်ႉ။ မိူဝ်ႈၽုၵ်ႈမႃး ၵႃးတၢင်းလႃႈသဵဝ်ႈ တေမႃးႁပ်ႉၵႂႃႇ” ၼႆယဝ်ႉ။ မိူဝ်ႈႁူဝ်လိူၼ်တီႊသႅမ်ႊပိူဝ်ႊ ဝၼ်းတီႈ 4 ယၢမ်းၵၢင်ၼႂ်ၼၼ်ႉ သိုၵ်းမၢၼ်ႈ ႁွင်ႉဢဝ်ၸုမ်းပွင်ၵၢၼ်ပၢင်လိူၵ်ႈတင်ႈသေ ၶဝ်ႈၵႂႃႇထိုင် ၼႂ်းဝဵင်းၼမ်ႉပွင်ႈ […] The post သိုၵ်းၵဝ်ႈၵၢင်ႉၸႂ်ႉၵူၼ်းမိူင်းၼမ်ႉပွင်ႈ ၵႂႃႇပၼ်သဵင်ၼႂ်းဝဵင်းလႃႈသဵဝ်ႈ appeared first on SHAN News .