Լեհաստանը 2026 թվականի ապրիլի 1-ից կդադարեցնի Ռուսաստանի քաղաքացիների հինգ տարի գործող ոչ կենսաչափական անձնագրերի ճանաչումը։ Այդ մասին տեղեկացվում է Եվրահանձնաժողովի կայքում։ Հունվարի 1-ից Լեհաստան մուտք գործելը կարգելվի նաև Ռուսաստանի դիվանագիտական և ծառայողական ոչ կենսաչափական անձնագրեր ունեցողներին։ Նախկինում Ռուսաստանի քաղաքացիների համար ոչ կենսաչափական անձնագրերով մուտքը արգելել էին Դանիան, Իսլանդիան, Լատվիան, Լիտվան, Ֆրանսիան, Չեխիան և Էստոնիան։ 2026 թվականի հունվարի 1-ից այդ երկրների շարքին կմիանան նաև Գերմանիան և Ռումինիան։ Ռուսաստանում գործում են արտասահմանյան անձնագրերի երկու տեսակ՝ կենսաչափական և ոչ կենսաչափական։ Ոչ կենսաչափական անձնագրերը տրվում են հինգ տարի ժամկետով, իսկ կենսաչափականները՝ տասը տարվա համար։