पुणे महापालिका निवडणुकीच्या पार्श्वभूमीवर राष्ट्रवादी काँग्रेसच्या दोन्ही गटांमध्ये एकत्र येण्याची चर्चा सुरू आहे. अजित पवार, सुप्रिया सुळे आणि शरद पवार यांच्यात अलीकडच्या काळात अनेक बैठका झाल्या. दिल्लीतील घडामोडी आणि प्रमुख नेत्यांच्या भेटींमुळे विलीनीकरणाच्या दिशेने पावले पडत असल्याची अटकळ बांधली जात आहे. मात्र, काही नेते याला केवळ स्थानिक युती मानत आहेत.