The Cambodia Daily អូស្ត្រាលី អំពាវនាវឱ្យភាគីកម្ពុជា-ថៃ បញ្ឈប់ចម្បាំងដោយងាកទៅអនុវត្តសេចក្តីថ្លែងការណ៍រួមទីក្រុងកូឡាឡាំពួរ
រដ្ឋាភិបាលប្រទេសអូស្ត្រាលី អំពាវនាវឱ្យប្រទេសកម្ពុជា និងប្រទេសថៃឡង់ដ៍ បញ្ឈប់អរិភាព ដោយងាកមកអនុវត្តសេចក្តីថ្លែងការណ៍រួមទីក្រុងកូឡាឡាំពួរ វិញ ដោយលើកទឹកចិត្តឱ្យភាគីទាំងពីរចូលរួមចរចាដោយស្មារតីស្មោះត្រង់ ក្នុងកិច្ចប្រជុំគណៈកម្មាធិការព្រំដែនទូទៅ GBC ដើម្បីសម្រេចបាននូវដំណោះស្រាយយូរអង្វែង និងសន្តិភាព។ ក្នុងសេចក្តីថ្លែងការណ៍នៅថ្ងៃទី២៤ ខែធ្នូ នេះ ដោយបង្ហាញការព្រួយបារម្ភយ៉ាងខ្លាំងចំពោះជម្លោះរវាងកម្ពុជា និងថៃ ដែលកំពុងមានភាពតានតឹងដោយការប្រើប្រាស់អាវុធបំផ្លិចបំផ្លាញធុនធ្ងន់ រហូតបង្កផលប៉ះពាល់មនុស្សធម៌យ៉ាងធ្ងន់ធ្ងរនាពេលនេះ រដ្ឋាភិបាលអូស្ត្រាលី អំពាវនាវឱ្យភាគីទាំងពីរធានាឲ្យបាននូវការការពារសុវត្ថិភាពជនស៊ីវិល ហេដ្ឋារចនាសម្ព័ន្ធស៊ីវិល និងបេតិកភណ្ឌវប្បធម៌ រួមទាំងគោរពឱ្យបានម៉ឺងម៉ាត់នូវកាតព្វកិច្ចរបស់ខ្លួនស្របតាមច្បាប់អន្តរជាតិ និងការអនុវត្តសេចក្តីថ្លែងការណ៍រួមទីក្រុងកូឡាឡាំពួរ ឡើងវិញផងដែរ។ សេចក្តីអំពាវនាវនេះ ធ្វើឡើងស្របពេលដែលសង្គ្រាមកម្ពុជា-ថៃ កំពុងតែឡើងកម្ដៅកាន់តែខ្លាំង ទោះជាភាគីទាំងពីរឯកភាពគ្នាចរចាបញ្ចប់ជម្លោះក្នុងកិច្ចប្រជុំ GBC នៅថ្ងៃទី២៤ ធ្នូ ក៏ដោយ។ កាសែតថៃ Thai Enquirer រាយការណ៍នៅថ្ងៃទី២៤ ធ្នូ នេះថា មន្ត្រីរដ្ឋាភិបាលប្រទេសកម្ពុជា បានឆ្លងព្រំដែនទៅចូលរួមប្រជុំគណៈកម្មាធិការព្រំដែនទូទៅ GBC នៅខេត្តចាន់ថាបុរី ហើយ បន្ទាប់ពីប្រទេសថៃ បដិសេធមិនចូលរួមកិច្ចប្រជុំនេះនៅប្រទេសម៉ាឡេស៊ី តាមសំណើពីប្រទេសកម្ពុជា។ ចំណែកអ្នកនាំពាក្យក្រសួងការពារជាតិកម្ពុជា អ្នកស្រី ម៉ាលី សុជាតា ចេញសេចក្តីប្រកាសព័ត៌មានដែរថា កិច្ចប្រជុំក្រុមលេខាធិការដ្ឋាននៃគណៈកម្មាធិការព្រំដែនទូទៅកម្ពុជា-ថៃ (GBC) បានចាប់ផ្តើមកិច្ចប្រជុំហើយនៅវេលាម៉ោង […] The post អូស្ត្រាលី អំពាវនាវឱ្យភាគីកម្ពុជា-ថៃ បញ្ឈប់ចម្បាំងដោយងាកទៅអនុវត្តសេចក្តីថ្លែងការណ៍រួមទីក្រុងកូឡាឡាំពួរ appeared first on The Cambodia Daily Khmer .