Një sulm i rëndë ka ndodhur në xhaminë shiite Imam Ali në qytetin Homs, në Siri, gjatë kohës së faljes. Një person i armatosur me lëndë shpërthyese e ka aktivizuar atë brenda objektit fetar, duke shkaktuar pasoja të rënda. Sipas burimeve lokale, të paktën 6 persona kanë humbur jetën, ndërsa dhjetëra të tjerë janë plagosur. Të lënduarit janë transportuar në spitalet e zonës, ku po marrin trajtim mjekësor, raporton aljazeera . Në vendngjarje kanë arritur menjëherë shërbimet e emergjencës dhe forcat e sigurisë, të cilat kanë rrethuar zonën dhe kanë nisur hetimet për të zbardhur rrethanat e sulmit. Autoritetet kanë forcuar masat e sigurisë edhe në objekte të tjera fetare, nga frika e incidenteve të mëtejshme. Ngjarja vjen në një kontekst të ndjeshëm sigurie në Siri dhe pritet të rrisë shqetësimet për stabilitetin dhe sigurinë e civilëve, veçanërisht në vendet e kultit. /Telegrafi/ Suicide bombing at Imam Ali Shiite mosque in Homs, Syria A suicide attacker detonated explosives inside the Imam Ali mosque in Homs during prayers. At least 12 people have been killed and dozens injured, according to local sources. Emergency services and security forces are… pic.twitter.com/dlgJflF9GL — NEXTA (@nexta_tv) December 26, 2025