Urmull er af íslenskum örnefnum og varla sá hóll eða hæð sem ber ekki sérstakt nafn. Náttúrufræðistofnun tók saman jólaleg örnefni og gerði kort í örnefnasjá sem sýnir dreifingu jólalegra örnefna um landið. Mörg þessara örnefna tengjast tröllum, skessum eða Grýlu. Sunnan við Surtsey er Jólnir , eyja sem varð til í Surtseyjargosinu en hvarf aftur í hafið tíu mánuðum eftir að gosið hófst þar. Í Vestmannaeyjum er Jólaborðin , móbergshella sem er milli Háar og Skiphella. Rétt norðan við Kirkjubæjarklaustur er að finna Jóltorfu og ofan við Reyðarfjörð er Grýluklettur. Hægt er að skoða jólaörnefnin í örnefnasjá Náttúrufræðistofnunar .