The Cambodia Daily អ្នកឃ្លាំមើលជំរុញឱ្យរដ្ឋាភិបាលកម្ពុជាធ្វើទំនើបកម្មយោធាដើម្បីស្វែងរកយុត្តិធម៌ដោយខ្លួនឯង ព្រោះថៃនៅតែចង់បានទឹកដីខ្មែរ
ឆ្លើយតបទៅនឹងស្ថានការណ៍តានតឹងនៅព្រំដែន ក្រុមប្រឹក្សាឃ្លាំមើលកម្ពុជា ជំរុញឱ្យអ្នកមានទ្រព្យធន ឧកញ៉ា និងមហាសេដ្ឋីខ្មែរ បរិច្ចាគថវិកាដល់រដ្ឋាភិបាលសម្រាប់ធ្វើទំនើបកម្មយោធា ដើម្បីការពារបូរណភាពទឹកដីពីការឈ្លានពានពីប្រទេសថៃ នាពេលនេះ ជាជាងការពឹងផ្អែកខ្លាំងហួសហេតុទៅលើអាស៊ានដែលមិនទាន់មានដំណោះស្រាយជាក់លាក់នោះ។ ប្រធានក្រុមប្រឹក្សាឃ្លាំមើលកម្ពុជា លោក ម៉ែន ណាត លើកឡើងក្នុងកម្មវិធី Idea Talk នៃសារព័ត៌មាន The Cambodia Daily កាលពីរាត្រីថ្ងៃទី២៣ ធ្នូ ថា អាស៊ានមិនមានឥទ្ធិពលណាមួយទៅលើសមាជិករបស់ខ្លួននោះទេ ព្រោះសមាជិកអាស៊ានទាំងអស់គិតតែពីផលប្រយោជន៍រៀងៗខ្លួន ហើយកំពុងតែឈ្លោះបែកបាក់ក្នុងចំណោមសមាជិកដូចគ្នាដែរ។ ជាក់ស្តែង ថៃដែលជាស្ថាបនិកអាស៊ាន ក៏រំលោភគោលការណ៍អាស៊ាន ហើយឈ្លានពានកម្ពុជា ថែមទៀត។ លោក ម៉ែន ណាត លើកឡើងថា សណ្ដាប់ធ្នាប់ពិភពលោកបច្ចុប្បន្ននេះមិនអាចផ្តល់យុត្តិធម៌សម្រាប់ប្រទេសទន់ខ្សោយឡើយ ខណៈប្រទេសទន់ខ្សោយក៏មិនអាចសុំយុត្តិធម៌ពីប្រទេសអ្នកខ្លាំងបានដែរ ដូច្នេះក្នុងស្ថានភាពនេះ កម្ពុជាត្រូវតែពង្រឹងខ្លួនឯងស្វែងរកយុត្តិធម៌ដោយខ្លួនឯង ព្រោះថាថៃ ក្នុងពេលនេះ លែងខ្វល់ពីយុត្តិធម៌ហើយ គឺចង់បានតែទឹកដីខ្មែរប៉ុណ្ណោះ។ លោកថា ប្រទេសធំៗដូចជា អាមេរិក រុស្ស៊ី និងចិន ជាដើម សុទ្ធតែកំពុងឈ្លានពានប្រទេសទន់ខ្សោយ ដូច្នេះសណ្ដាប់ធ្នាប់ពិភពលោកក្នុងពេលបច្ចុប្បន្ន គឺស្ថិតនៅលើកណ្ដាប់ដៃអ្នកខ្លាំងចំណែកយុត្តិធម៌ក៏ស្ថិតនៅលើមាត់របស់អ្នកខ្លាំងដែរ។ អ្នកឃ្លាំមើលស្ថានការណ៍កម្ពុជារូបនេះបញ្ជាក់ថា ថៃបានរៀនសូត្រពីមហាអំណាចមួយចំនួន ទើបហ៊ានចេញមុខឈ្លានពានកម្ពុជាដោយចំហបែបនេះ […] The post អ្នកឃ្លាំមើលជំរុញឱ្យរដ្ឋាភិបាលកម្ពុជាធ្វើទំនើបកម្មយោធាដើម្បីស្វែងរកយុត្តិធម៌ដោយខ្លួនឯង ព្រោះថៃនៅតែចង់បានទឹកដីខ្មែរ appeared first on The Cambodia Daily Khmer .