Grunnskólanemendur víða um allt land rugluðu kennara í rýminu með því að góla „six - seven“ og gera ákveðna handahreyfingu í hvert sinn sem tölurnar voru nefndar í kennslustundum. „Six - seven“ er óneitanlega jarm ársins 2025. Fréttastofan fjallaði um þetta internet-fyrirbæri í nóvember og fékk kennara og nemendur til að útskýra þennan merkingarlausa gjörning. „Þetta meikar ekki sens og á ekki að meika sens og það er eiginlega það fyndna við þetta,“ segir Haraldur Jóhannsson, nemandi í 9. bekk Réttarholtsskóla.