RFI ខេមរភាសា ឆ្នាំ២០២៥ គ្រោះមហន្តរាយធម្មជាតិចំនួន១០ បានបំផ្លិចបំផ្លាញ គិតជាទឹកប្រាក់១២០ពាន់លានដុល្លារ
គ្រោះមហន្តរាយធម្មជាតិបង្កឡើងដោយវិបត្តិអាកាសធាតុ នៅក្នុងឆ្នាំ២០២៥កន្លងមកនេះ មានកម្រិតធ្ងន់ធ្ងរកាចសាហាវខ្លាំងណាស់។ គ្រោះមហន្តរាយធម្មជាតិដ៏ធ្ងន់ធ្ងរ ចំនួនយ៉ាងហោច១០ករណីនៅទូទាំងពិភពលោក បានបង្កការបំផ្លិចបំផ្លាញ គិតជាទឹកប្រាក់ប្រមាណ១២០ពាន់លានដុល្លារ។ នេះបើផ្អែកតាមរបាយការណ៍ថ្មីមួយរបស់អង្គការ Christian Aid ចេញផ្សាយថ្ងៃទី២៧ធ្នូម្សិលមិញ។ វាគឺជាទំហំប៉ាន់ស្មាន ដែលបានអាចទាបជាងការពិតជាក់ស្តែងផង។