Frá kjörstað í Mjanmar.EPA / NYEIN CHAN NAING Kosningar eru hafnar í Mjanmar og munu standa í heilan mánuð. Eftirlitsstofnanir og Sameinuðu þjóðirnar segjast óttast að kosningunum sé ætlað að festa herforingjastjórn landsins frekar í sessi. Leiðtogar hennar segja kosningarnar til þess gerðar að endurvekja lýðræði í Mjanmar. Herinn rændi völdum árið 2021 og síðan þá hefur ekki verið kosið í Mjanmar. Lýðræðislega kjörinn leiðtogi landsins, Aung San Suu Kyi, hefur setið í stofufangelsi allar götur síðan.