پاکستان سمیت 21 عرب، اسلامی اور افریقی ممالک نے ہفتے کو اسرائیل کی جانب سے صومالی لینڈ خطے کو تسلیم کرنے کے اقدام کو دوٹوک انداز میں مسترد کرتے ہوئے اسے بین الاقوامی قانون اور اقوام متحدہ کے چارٹر کی سنگین خلاف ورزی قرار دیا ہے۔ ریاستِ قطر کی وزارتِ خارجہ کی جانب سے جاری مشترکہ بیان میں کہا گیا کہ صومالی لینڈ کے نام نہاد خطے کو تسلیم کرنا افریقہ کے ہارن اور بحیرۂ احمر کے خطے میں امن و سلامتی کے لیے سنگین خطرہ ہے اور اس کے عالمی امن و سلامتی پر بھی منفی اثرات مرتب ہوں گے۔ مشترکہ بیان، جس میں قطر، اردن، الجزائر، کوموروس، جبوتی، گیمبیا، ایران، عراق، کویت، مالدیپ، نائجیریا، عمان، پاکستان، فلسطین، سعودی عرب، صومالیہ، سوڈان، ترکیہ، یمن اور اسلامی تعاون تنظیم کے وزرائے خارجہ کے نام شامل ہیں، میں کہا گیا کہ صومالی لینڈ کے نام نہاد خطے کو اسرائیل کی جانب سے تسلیم کرنا افریقہ کے ہارن اور بحیرۂ احمر کے خطے میں امن و سلامتی کے لیے سنگین خطرہ ہے اور عالمی امن و سلامتی پر بھی منفی اثرات مرتب کرتا ہے، جو بین الاقوامی قانون کی صریح خلاف ورزی اور اقوامِ متحدہ کے چارٹر کے منافی ہے۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) بیان میں اس اقدام کی سخت الفاظ میں مذمت کرتے ہوئے کہا گیا کہ اس قسم کے اقدام کی سخت ترین الفاظ میں مذمت کی جاتی ہے، کیونکہ یہ بین الاقوامی قانون اور اقوامِ متحدہ کے چارٹر کے بنیادی اصولوں کی سنگین خلاف ورزی ہے، جو ریاستوں کی خودمختاری اور علاقائی سالمیت کے تحفظ کی ضرورت کو مجروح کرتا ہے اور اسرائیل کی توسیع پسندانہ پالیسیوں کی عکاسی کرتا ہے۔ مشترکہ بیان میں وفاقی جمہوریہ صومالیہ کی خودمختاری کی مکمل حمایت کا اعادہ کرتے ہوئے کہا گیا کہ وفاقی جمہوریہ صومالیہ کی خودمختاری کی مکمل حمایت کا اعادہ کیا جاتا ہے اور صومالیہ کی وحدت، علاقائی سالمیت یا خودمختاری کو کمزور کرنے والے کسی بھی اقدام کو دوٹوک انداز میں مسترد کیا جاتا ہے، کیونکہ یہ پورے ملک کے دائرۂ اختیار میں آتا ہے۔ وزرائے خارجہ نے خبردار کیا کہ ریاستوں کے حصوں کے بارے میں کسی بھی قسم کی پہچان بین الاقوامی امن و سلامتی کے لیے خطرناک نظیر قائم کرتی ہے اور بین الاقوامی قانون اور اقوامِ متحدہ کے چارٹر کے بنیادی اصولوں کی خلاف ورزی ہے۔ بیان میں فلسطین کے حوالے سے بھی واضح مؤقف اختیار کرتے ہوئے کہا گیا کہ فلسطینی سرزمین، جس پر فلسطینی عوام کا حق ہے، کے حوالے سے کسی بھی ممکنہ ربط یا اقدام کو مسترد کیا جاتا ہے، اور اصولی مؤقف کے طور پر اسے قطعی طور پر ناقابلِ قبول قرار دیا جاتا ہے۔ اسرائیل پاکستان سمیت 21 عرب، اسلامی اور افریقی ممالک نے ہفتے کو اسرائیل کی جانب سے صومالی لینڈ خطے کو تسلیم کرنے کے اقدام کو دوٹوک انداز میں مسترد کرتے ہوئے اسے بین الاقوامی قانون اور اقوام متحدہ کے چارٹر کی سنگین خلاف ورزی قرار دیا ہے۔ انڈپینڈنٹ اردو اتوار, دسمبر 28, 2025 - 10:00 Main image:

ہرگیسہ کے وسطی علاقے میں 26 دسمبر 2025 کو اسرائیل کی جانب سے صومالی لینڈ کو ریاست کے طور پر تسلیم کرنے کے اعلان کے بعد جشن منانے کے لیے جمع ہونے والے رہائشی صومالی لینڈ کے جھنڈے لہرا رہے ہیں (اے ایف پی)

دنیا type: news related nodes: امریکی فوج کے انخلا کے فیصلے سے صومالیہ میں مزید انتشار کا خدشہ اسرائیلی کابینہ کی مغربی کنارے میں 19 نئی بستیوں کی منظوری بونڈائی پر پاکستان مخالف جھوٹی خبریں انڈیا، اسرائیل سے چلیں: عطا تارڑ اسرائیلی فوجی غزہ میں ذمہ داریوں کے بعد آرام کے لیے کہاں جاتے ہیں؟ SEO Title: پاکستان سمیت 21 ممالک کا صومالی لینڈ کو تسلیم کرنے کا اسرائیلی اقدام مسترد copyright: show related homepage: Show on Homepage