Летаа боксови во НБА: Се степаа центар висок 216 см и плејмејкер од 183 см нба 2025/2026 Филип Здравески 28.12.2025 / 10:10 Кошарка Центарот на Финикс Санс, Марк Вилијамс, и плејмејкерот на Њу Орлеанс Пеликанс, Порториканецот Хосе Алварадо, беа исклучени од играта по тепачката во третата четвртина од синоќешниот натпревар. Вилијамс, висок 216 сантиметри, и Алварадо, висок 183 сантиметри, разменија удари откако беше досуден фаул од Алварадо. Инцидентот се случи кога Алварадо, познат како екстремно агресивен дефанзивец, се обиде да пробие блок поставен од Вилијамс за да изврши притисок врз шутерскиот бек на Финикс, Колин Гилеспи, кој во тој момент ја постигна петтата тројка во натпреварот. Алварадо го турна Вилијамс во одбрана, по што му беше досуден фаул. Центарот на Санс реагираше, туркајќи го Алварадо одзади. Потоа Алварадо се сврте кон Вилијамс, следеше размена на зборови, а потоа и турканица што ескалираше во размена на удари. Mark Williams and Jose Alavarado PUNCHES THROWN Both players EJECTED (via @NBA ) pic.twitter.com/cNOLJrJaFz — Basketball Forever (@bballforever_) December 28, 2025 И двајцата удрија по еден удар со десната рака пред да бидат разделени од соиграчите и судиите, по што беа исклучени. Ниеден друг играч не се вклучи во тепачката, а Финикс на крајот славеше победа од 123:114 и забележа две победи за два дена против Пеликанс среде Њу Орлеанс. Look at Jordan Poole’s face when Jose Alvarado punches Mark Williams pic.twitter.com/5Pva2MJFUH — Hater Report (@HaterReport_) December 28, 2025 НБА Финикс Санс Њу Орлеанс Пеликанс Автор/Извор Ф.З. Прикажи во метро On