Фантастичната Астон Вила израмни рекорд што го чека уште од Првата светска војна Филип Здравески 28.12.2025 / 11:24 Фудбал Фудбалерите на Астон Вила се најголемото освежување на европскиот фудбал годинава, а вчера успеаја да повторат клупски рекорд што го чекаа од 1914 година. Астон Вила на гостувањерто кај Челси среде Лондон успеа да триумфира по пресврт со резултат од 2:1, со што се вклучи во трката за титулата во англиското првенство со само три бода помалку од водечкиот Арсенал. Но, ова беше 11-та победа за „Лавовите“ од Бирмингем, што е клупски рекорд невиден уште во 1914 година. Во последните 111 години Астон Вила не успеа да го направи она што го направи во последниве два месеца. Станува збор за успех во сите натпреварувања. Во таа серија, дури паднаа и великаните на англискиот фудбал. По ред паднаа Макаби Тел Авив, Борнмут, Лидс, Јанг Бојс, Вулверхемптон, Брајтон & Хоув Албион, Арсенал, Базел, Вест Хем, Манчестер Јунајтед и Челси. Aston Villa have equalled their club record for consecutive wins across all competitions, which was set in 1914 (11). ◉ W 2-0 vs. Maccabi Tel Aviv ◉ W 4-0 vs. Bournemouth ◉ W 1-2 vs. Leeds ◉ W 2-1 vs. Young Boys ◉ W 1-0 vs. Wolves ◉ W 3-4 vs. Brighton ◉ W 2-1 vs. Arsenal… pic.twitter.com/MkJYdHA12I — Squawka (@Squawka) December 27, 2025 Иако станува збор за голем клуб, кој беше шампион на Англија седум пати и беше шампион на Европа во 1982 година, резултатите на Вила оваа година сепак се сензационални бидејќи никој не очекуваше дека на половина од сезоната ќе бидат само три бода од првото место и ќе ги остават гигантите да им гледаат во грб. Автор на овој голем успех е Унаи Емери, одличен баскиски стручњак кој ја води Вила од крајот на октомври 2022 година. Го однесе клубот во Конференциската лига, а наредната сезона 2023/2024 заврши на 4. место и го внесе тимот во Лигата на шампионите. Сезонава игра во Лига Европа. Астон Вила Унаи Емери Автор/Извор Ф.З. Прикажи во метро On