Bæjarráð sveitarfélagsins Ölfuss samþykkti samhljóða að framlengja viljayfirlýsingu við fyrirtækið North Ventures um lóð og áframhaldandi samvinnu um uppbyggingu gagnaversverkefnisins OdinAI í Ölfusi. Stöðuskýrsla var rædd á fundi bæjarráðs fyrir jól. Í skýrslunni er gerð grein fyrir framgangi verkefnisins síðasta árið; orkuöflun og flutningsgetu raforku, þar með taldar. Meira en tvisvar sinnum stærri lóð Fyrirtækið óskaði eftir framlengingu viljayfirlýsingar um tvö ár, fram til fyrsta janúar 2028. Bæjarráð samþykkti framlenginguna með fyrirvara um endanlega úthlutun lands, skipulagsákvarðanir og leyfisveitingar í samræmi við gildandi lög, skipulagsáætlanir og stjórnsýsluferli sveitarfélagsins. Þá var samþykkt á fundi bæjarráðs að möguleg stækkun lóðar geti numið allt að 80 hekturum, en upphaflega var gert ráð fyrir leigu á 50 hektara lóð. Það verði háð nánari skoðun, skipulagsvinnu og samþykktum sveitarfélagsins á hverjum tíma.