शिवसेना नेते आणि परिवहन मंत्री प्रताप सरनाईक यांनी मीरा-भाईंदर महायुतीबाबत भाजपला २४ तासांचा अंतिम इशारा दिला आहे. ठाण्याप्रमाणे मीरा-भाईंदरमध्येही महायुती व्हावी, अशी त्यांची इच्छा आहे. भाजपने सकारात्मक प्रतिसाद न दिल्यास शिवसेना स्वतंत्रपणे लढण्यास तयार असल्याचे सरनाईक यांनी स्पष्ट केले. मुख्यमंत्री देवेंद्र फडणवीस यांच्याशीही यावर चर्चा झाल्याचे त्यांनी सांगितले.