Një kamerë në një vendvotim në Fakultetin Juridik në Prishtinë, dyshohet të mos ketë qenë aktive nga mëngjesi. Ekipi i IKD-së që po qëndron në terren për të monitoruar mbarëvajtjen e procesit zgjedhor, mëson se vetëm pas orës 13:00 është vërejtur nga komisionerët që kjo kamerë nuk ka qenë aktive, raporton Betimi për Drejtësi. Problemi dyshohet të ketë qenë shkaku i mungesë së energjisë elektrike në disa priza. /Telegrafi/