اوپن اے آئی کے سربراہ سیم آلٹمین نے پیش گوئی کی ہے کہ انسان سے بڑھ کر ذہین، مصنوعی ذہانت، کے حصول کی جانب اگلا بڑا بریک تھرو اُس وقت ہو گا جب اے آئی سسٹمز کو ’لامحدود، کامل یادداشت‘ حاصل ہو جائے گی۔ چیٹ جی پی ٹی بنانے والی کمپنی کی حالیہ پیش رفت، اور بڑے لینگوئج ماڈلز (ایل ایل ایمز) پر کام کرنے والے اس کے حریفوں کی کوششیں بھی، زیادہ تر اے آئی کی استدلالی صلاحیتوں کو بہتر بنانے پر مرکوز رہی ہیں۔ تاہم بگ ٹیکنالوجی پوڈکاسٹ سے گفتگو کرتے ہوئے سیم آلٹمین نے کہا کہ جس پیش رفت کے وہ سب سے زیادہ منتظر ہیں وہ یہ ہے کہ اے آئی ’آپ کی پوری زندگی کی ہر تفصیل‘ یاد رکھنے کے قابل ہو جائے، اور ان کے مطابق ان کی کمپنی 2026 تک اس مرحلے تک پہنچنے پر کام کر رہی ہے۔ سیم آلٹمین نے کہا ’چاہے آپ کے پاس دنیا کا بہترین پرسنل اسسٹنٹ ہی کیوں نہ ہو، وہ آپ کی زندگی میں کہے گئے ہر لفظ کو یاد نہیں رکھ سکتا‘۔ انہوں نے کہا ’وہ آپ کی لکھی ہوئی ہر دستاویز نہیں پڑھ سکتا۔ وہ ہر روز آپ کے تمام کام کو دیکھتے ہوئے ہر چھوٹی تفصیل کو یاد نہیں رکھ سکتا۔ وہ اس حد تک آپ کی زندگی میں شریک نہیں ہو سکتا۔ اور کسی بھی انسان کے پاس لامحدود، کامل یادداشت نہیں ہوتی‘۔ سیم آلٹمین نے مزید کہا ’اور اے آئی یقینی طور پر یہ سب کر سکے گا۔ ہم اس پر بہت بات کرتے ہیں، اس وقت یادداشت اب بھی بہت ابتدائی اور خام سطح پر ہے‘۔ ان کے یہ بیانات گوگل کے تازہ ترین جیمنی ماڈل کے اجرا کے بعد چند ہفتے قبل اوپن اے آئی میں مبینہ طور پر ’کوڈ ریڈ‘ کی صورت حال کے اعلان کے فوراً بعد سامنے آئے ہیں۔ Screenshot 2025-12-28 182305.png گوگل نے نومبر میں اپ ڈیٹڈ اے آئی ایپ جاری کرتے ہوئے جیمنی 3 کو ’ذہانت کا نیا دور‘ قرار دیا تھا، جس میں اس ماڈل نے متعدد صنعتی بینچ مارک ٹیسٹس میں ریکارڈ سکور حاصل کیے۔ سیم آلٹمین نے جیمنی 3 کی جانب سے درپیش خطرے کی شدت کو کم اہم قرار دیتے ہوئے کہا کہ نئی مسابقت کے سامنے آنے پر اوپن اے آئی کا فوری ردعمل دینا کوئی غیر معمولی بات نہیں۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) انہوں نے کہا ’میرا خیال ہے کہ ممکنہ مسابقتی خطرہ سامنے آئے تو محتاط رہنا اور تیزی سے کارروائی کرنا ایک اچھی بات ہے‘۔ انہوں نے کہا ’یہی چیز ہمارے ساتھ ماضی میں بھی ہو چکی ہے، اسی سال کے آغاز میں ڈیپ سیک کے ساتھ بھی ایسا ہوا۔ جیمنی 3 نے وہ اثر نہیں ڈالا، یا کم از کم اب تک نہیں ڈالا، جس کا ہمیں خدشہ تھا، تاہم اس نے ہماری پروڈکٹ آفرنگ اور حکمت عملی میں کچھ کمزوریوں کی نشاندہی ضرور کی، جنہیں ہم بہت تیزی سے دور کر رہے ہیں‘۔ مصنوعی ذہانت کی دوڑ جیتنے کے لیے اوپن اے آئی کے سربراہ نے کہا کہ حکمت عملی یہ ہے کہ ’بہترین ماڈلز بنائے جائیں، ان کے گرد بہترین پروڈکٹ تیار کی جائے، اور اسے بڑے پیمانے پر فراہم کرنے کے لیے مناسب انفراسٹرکچر موجود ہو‘۔ اوپن اے آئی کے مطابق اس وقت چیٹ جی پی ٹی کے تقریباً 80 کروڑ صارفین ہیں، جو اے آئی ایپس کی مارکیٹ میں تقریباً 71 فیصد حصے کی نمائندگی کرتے ہیں، جبکہ گزشتہ سال اسی وقت یہ شرح 87 فیصد تھی۔ موازنہ کے طور پر، گوگل کا مارکیٹ شیئر تقریباً پانچ فیصد سے بڑھ کر 15 فیصد سے زیادہ ہو گیا ہے، جبکہ جیمنی کے صارفین کی تعداد حال ہی میں 65 کروڑ سے تجاوز کر گئی ہے۔ مصنوعی ذہانت چیٹ جی پی ٹی انسانی دماغ سیم آلٹمین نے کہا ’چاہے آپ کے پاس دنیا کا بہترین پرسنل اسسٹنٹ ہی کیوں نہ ہو، وہ آپ کی زندگی میں کہے گئے ہر لفظ کو یاد نہیں رکھ سکتا۔‘ انتھونی کتھبرٹسن اتوار, دسمبر 28, 2025 - 18:15 Main image:

اوپن اے آئی کے چیف ایگزیکٹو آفیسر سیم آلٹمین سان فرانسسکو کیلیفورنیا میں چھ اکتوبر 2025 کو اوپن اے آئی ڈیَو ڈے پر کمپنی کی سالانہ ڈویلپر کانفرنس کے دوران خطاب کرتے ہوئے (بینجمن لیژاندرے / اے ایف پی)

ٹیکنالوجی type: news related nodes: اے آئی کے بڑھتے استعمال کے بعد سکولوں میں اب نقل کی تعریف کیا ہو گی؟ آسٹریلیا: 6 ماہ بغیر بتائے اے آئی میزبان سے شو کرانے والا ریڈیو چینی اے آئی ’ڈیپ سیک‘ کن ممالک میں پابندی کا شکار ہے اور کیوں؟ کینیڈا کے بڑے میڈیا ادارے اوپن اے آئی کے خلاف متحد، مقدمہ دائر SEO Title: اے آئی کا اگلا اہم قدم انسان کی ہر بات یاد رکھنے کا حافظہ ہو گا: سربراہ چیٹ جی پی ٹی copyright: IndependentEnglish origin url: https://www.independent.co.uk/tech/openai-sam-altman-ai-breakthrough-chatgpt-b2890125.html?fbclid=IwY2xjawO-DQ5leHRuA2FlbQIxMABicmlkETE0V0ZDaG1aR1VDUkN4UEFEc3J0YwZhcHBfaWQQMjIyMDM5MTc4ODIwMDg5MgABHiZLblkdvt9POp8ZfOY58MyJAc8z3LlNz80ahfX5oXBujs-dacBzGc-cWuq1_aem_CyXlBz59FOkY5U1fMSugWQ show related homepage: Hide from Homepage