RFI ខេមរភាសា កំពូលតារាភាពយន្តបារាំង លោកស្រី ប៊្រីហ្ស៊ីត បារដូត៍ ស្លាប់ក្នុងជន្មាយុ៩១ឆ្នាំ
លោកស្រី ប្រ៊ីហ្ស៊ីត បារដូត៍ (Brigitte Bardot) កំពូលតារាភាពយន្តបារាំង កាលពីសម័យទសវត្សរ៍ឆ្នាំ ៥០-៦០ បានស្លាប់កាលពីថ្ងៃទី២៨ធ្នូ ក្នុងជន្មាយុ៩១ឆ្នាំ។ លោកស្រីប្រ៊ីហ្ស៊ីត បារដូត៍ មានកេរ្តិ៍ឈ្មោះរន្ទឺពេញពិភពលោក គឺជានិម្មិតរូបនៃនារីសម័យទំនើប មានសម្រស់ស្រស់សោភា និងជាស្ត្រី ពោរពេញដោយសេរីភាព។ មិនត្រឹមតែប៉ុណ្ណោះ លោកស្រីក៏បានបូជាកម្លាំងកាយចិត្ត និងថវិកា ដើម្បីលើកកំពស់ការគោរពជីវិតសត្វថែមទៀតផង។